Home Justisa Kazu Topu Honis, Tribunal Oe-cusse Sei Rona Deklarasaun Husi Sasin Padre JSG...

Kazu Topu Honis, Tribunal Oe-cusse Sei Rona Deklarasaun Husi Sasin Padre JSG Husi SVD

408
0
Tribunal Oecusse (Foto: Timor Post)

Reportajen Jhoe Exposto

Prosesu julgamentu ba kazu pedofilia ne’ebé deskonfia komete husi eis padre Amerikanu RD iha uma mahon Topu-Honis, hahú fali ona iha loron Segunda 20 Setembru 2021.

Prosesu julgamentu ne’ebé hahú segunda horisehik Tribunal Distrital DO bandu sidadaun sei deit atu hola parte iha area Dores TDO nian tanba kazu ne’e sei iha prosesu julgamentu.

Observasaun jornalista iha terenu hare katak TDO kontinua rona sasin sira nia deklarasaun inklui sasin ida ho no naran inisiál JSG SVD.

Sasin inisiál JSG nu’udar padre regional superior SVD nian iha Timor-Leste ne’ebé sai nu’udar mós sasin importante ba kazu krime pedofilia no pornografia infantíl ne’ebé deskonfia komete husi eis padre SVD Amerikanu ida iha uma mahon Topu-Honis, Kutet, Oe-Kusi Ambeno.

Advogadu Miguel Faria hateten kazu Topu-Honis ne’e tuir loloos rona ona sasin padre regional superior SVD nian iha Timor-Leste, iha Segunda feira foin lalais ne’e. “Maibé, nia la marka prezensa iha Tribunal, tanba nia fó de’it deklarasaun eskrita ba TDO, maibé Tribunal la halo apresiasaun ba karta ne’ebé Padre ne’e hato’o.

Tribunal nia entendimentu katak, sasin ne’e tenke fó nia depoimentu oral iha Tribunal. Iha loron Segunda horseik maibé la marka prezensa nune’e Tribunal hasai mandadu kapturasaun ba amu ne’e obriga nia atu Sesta ohin mai iha Oe-cusse Ambeno hodi fó nia depoimentu ba kazu Topu-Honis.

Prosesu julgamentu iha sesta ne’e, hahu tuku 09:33 – 12;00 no sei kontinua-tan fali iha tuku 14:00 loraik OTL.

Relasiona ho mandadu kapturasaun ba JSG atu ba sai sasin iha tribunal, Neon Metin konfirma ho Komandante PNTL Oe-cusse, Superintendente Xefe Mateus Mendes via telefone nia hateten katak, Unidade Investigasaun PNTL Oe-cusse informa ba nia katak padre ho inisial JSG ba Oe-cusse ho aviaun segundu iha oras lorokraik, no agora dadauk iha ona Oe-cusse.

Print Friendly, PDF & Email

LEAVE A REPLY

Please enter your comment!
Please enter your name here