Reportajen David da Costa Gusmao
Sekretaria Estadu Formasaun profisionál Empregu (SEFOPE) ohin halo teste tan ba timor-oan na’in 5,492 atu tuir formasaun kona-ba lian Korea nian.
“Hakarak fo hatene ba alin sira hotu katak, objetivu ba loron ohin ida ne’e ita marka tan historia ida hodi hala’o ita nia teste ba kandidatu sira ne’ebé maka hakarak iha interese, ba tuir lian Koreia,” Dehan Diretor Nasionál Exteriór Empregu, Filomeno Soares ba jornalista sira, iha estádiu Munisipiu Dili, Kuarta 26/10.
Durante surtu covid-19 ida ne’e atividade kona-ba formasaun lian Koreia, la halo rekrutamentu ba kandidatu foun, kursu lian Korea nian, tanba kumpri orientasaun Ministeriu Saude nian kona-ba virus Covid-19 nian.
“Iha tinan 2020 Covid-19 invade Timor-Leste, entaun ita lahalo rekrutamentu ba kandidatu foun sira, tanba ita tenke kumpri orientasaun MS nian konaba regras Covid-19 nian. Durante ne’e Ita hahu halo rekrutamentu ba kursu lian Koreia nee iha tinan 2019 maka ita halo. ne’ebé agora maka ita hahu fali halo rekrutamentu ba tinan 2021 nain,” nia esplika.
Nia dehan kandidatu ne’ebé maka agora partisipa hamutuk ema na’in 5.492, sira ne’e sei iha kompetisaun boot. Tanba Númeru ne’ebé atu tuir kursu ne’e hamutuk na’in 2,500 maka sei tama hodi tuir kursu lian Koreia.
Iha fatin hanesan Diretór Jerál Intereinu SEFOPE, Mateus Dos Santos Tallo informa politika nasionál empregu nian, tuir metas ne’ebé maka iha katak, kada tinan sei fó oportunidade ba joven timoroan hamutuk 2500, ne’ebé maka sei partisipa iha kursu liu Koreia nian, sira ne’e sei halo kompete iha kursu lian Korea nian.
Esforsu neebe maka governu halo konsege iha komunikasaun makaas ho governu Koreia nian, liliu setor privadu no industria sira iha Koreia hodi bele simu fali joven sira i kandidatu sira teste ba lian Koreia nian.
,
