Home Notisia Governu NZ Apoiu Ekipamentus Protesaun Pesoal Hasoru Moras Covid-19

Governu NZ Apoiu Ekipamentus Protesaun Pesoal Hasoru Moras Covid-19

289
0
Embaixador Nova Zelandia entrega ekipamentu protesaun pesoal ba SAMES. [Foto: Santina Lucia da Costa | 25.05.2020]

Reportazen Santina Lucia da Costa

Governu Nova Zelandia (NZ) liu hosi nia Embaixada iha Timor-Leste fo apoiu ekipamentus protesaun pesoal  hodi hasoru moras Covid-19 ba governu Timor-Leste.

Ba jornalista sira Diretor Ezekutivu SAMES, Santana Martins hateten, ohin markta tan istoria ba governu Timor-Leste, tanba Nova Zelandia hatudu sira nia solidariedade liu hosi apoiu ekipamentus profisaun pesoal ne’ebe mak ofereseu ba governu Timor-Leste.

“Durante ne’e ita hetan apoiu husi Xina, Australia no mos ajensia internasinal sira. Ohin povu Nova Zelandia, liuhusi Embaixada Nova Zelandia iha Timor-Leste, sira apoiu tan ekipamentu protesaun pesoal ne’ebe sira fo mai”, hateten Diretor Ezekutivu SAMES, Santana Martins ba Jornalista sira iha SAMES, Kampu-Alor  25/5.

Diretor Santana Martins hatutan sira sei halo distribuisaun CPN ne’e dala tolu. SAMES sei hamutuk ho Embaixada Nova Zelandia sei trata oinsa mak bele simu tan produtu hirak ne’ebe mak sei mai iha tempu badak.

Iha fatin hanesan Embaixador Nova Zelandia, Philip Hewitt hateten governu Nova Zelandia haksolok tebes atu fo apoiu ba governu Timor-Leste, liu-liu ekipamentus protesaun ba Pesoal sira ho montante $3 mill dollars ba faze primeiru.  

Philip Hewitt hateten apoiu sasan sira ne’e mak hanesan maskra, hand sanitize, inklui louvas ba taka oin ninian, ba ekipa sira ne’ebe mak serbisu iha linha frente no sasan sira seluk sei to’o mai liu-liu luvas ninian no maskra tanba hanesan ekipamentus ida ne’ebe defisil tebes atu buka iha tempu agora.

Embaixador Philip Hewitt informa governu Nova Zelandia ninia apoiu ba Timor-Leste, laos fo apoiu de’it ba sasan protesaun pesoal nian maibe  apoiu mos ba atividade  baziku komuniatria ninian, hodi responde ba Covid-19, hanesan serbisu ho Rede Feto, Kooperativa Cafe Timor , klinika, AGRA PNTL no F-FDTL, inklui estudante sira ne’ebe iha Wuhan iha fulan hira ba kotuk.

“Hanesan ita hotu hatene, nasaun hotu iha mundu serbisu makaas tebes, hodi haree konaba etapa segundu Covid-19 ninian, ami nafatin kontinua apoiu ba governu Timor-Leste, laos atu responde de’it iha Covid-19, maibe iha mos area seluk hanesan seitor Edukasaun, Agrikultura no ba future ami mos kontinua apoiu ba iha setor Turizmu, oinsa mak atu bele rekoopera fila-fali ekonomia, tanba imapaktu hosi Cvid-19”, hateten Philip Hewitt.

Print Friendly, PDF & Email

LEAVE A REPLY

Please enter your comment!
Please enter your name here