Home EduTek SEKOMS Husu Radio Komunidade Cova Taroman Kobre Informasaun Edukativu

SEKOMS Husu Radio Komunidade Cova Taroman Kobre Informasaun Edukativu

332
0
Racom Cova Taroman hasai foto hamutuk ho SEKOMS. [Foto: Media SEKOMS | 23.09.2021]

Hakerek nain media SEKOMS

Sekretáriu Estadu ba Komunikasaun Sosiál (SEKOMS), Merício Juvinal dos Reis “Akara”  husu Rádiu komunidade Cova Taroman  atu ezerse nia funsaun ho di’ak,  nune’e bele transmite informasaun ba komunidade sira no garante funsionamentu rádiu komunidade nian.

Liuhusi vizita kortezia Sekretariu Estadu Mericio Akarak hateten radio komunidade Cova Taroman presiza ezerse ninia funsaun ho diak, nune’e bele transmite informasaun ba komunidade sira, nune’e Mericio mos enkoraja jornalista sira ne’ebe haknaar iha Cova Taroman atu kobre informasaun ne’ebe edukativu, insperativu no divertimentu.

SEKOMS rekoñese katak kondisaun fíziku Rádiu Cova Taroman la favoravel atu hala’o serbisu, no mos Radiu Komunidade Cova Taroman mós hetan ona karta atribuisaun husi Servisu Terras no Propriedade munisipiu Covalima hodi muda fatin ne’ebé preprara ona iha tempu badak nia laran.

Nune’e governante ne’e hateten katak Governu nafatin fó apoiu ba Rádiu Komunidade sira liu husi Fundus Transferénsia Públika, tanba ne’e husu ba Jestór atu kria planu no programa ho di’ak, nune bele hetan fundus tranferénsia ho montante ne’ebé as.

Iha fatin hanesan Jestór Rádiu Komunidade Cova Taroman Covalima, Sancho Alves, hateten liu husi dijitalizasaun ne’e populasaun sira bele akompaña ona informasaun husi rádiu Cova Taroman iha estranjeiru.

Print Friendly, PDF & Email

LEAVE A REPLY

Please enter your comment!
Please enter your name here