Home Uncategorized MS no UE Prezide Diálogu Konaba Polítiku Estratéjia Nutrisaun iha TL

MS no UE Prezide Diálogu Konaba Polítiku Estratéjia Nutrisaun iha TL

193
0
Ministra Saude (MS) no Embaixador Uniaun Europeia (UE) iha Timor-Leste prezide diálogu. [Foto: David | 23.09.2021]

Reportajen David da Costa Gusmao

Ministra Saude (MS) no Embaixador Uniaun Europeia (UE) iha Timor-Leste prezide  diálogu konaba Polítiku Estratéjia Nutrisionál iha Timor-Leste ne’ebé organiza hosi Serbisu Ordenadór Nasionál (SON), iha Ministériu Negósiu Estranjeiru no Kooperasaun (MNEK) nia ókos.

Ministra Saude (MS), Odete Maria Freitas Belo hatete, UE prontu apoiu Timor-Leste liu-liu iha area nutrisaun nian, altura ne’eba koalia tiha ona enkontru iha nivel as, ne’ebe lidera husi MNEK no enkontru ne’e halo kada tinan.

 “kuandu orsamentu aloka ona mai Timor, espesiálmente ba iha MS tanba ita liga ba asuntu nutrisaun nian, entaun enkontru  ida hanesan ohin ne’e ita halo kada tinan, enkontru ne’e ita hakarak halo revizaun ba atividade sira ne’ebe mak ita  halo ona,” dehan Ministra Odete ba jornalista sira iha Palacio da Sinzas Kaikoli, Kinta 23/09.

Nia dehan nutrisaun importante no partikularmente importante ba labarik sira, ne’e labarik nia direitu atu sobrevive, no sai isin diak no forte. Labarik sira ne’ebé ho kondisaun nutrisaun di’ak sae ba adultu saudável sira ne’ebé sei kontribui ba dezenvolvimentu sósio-ekonómiku nasaun nian.

Iha fatin hanesan, Embaixadór Uniaun Europeia iha Timor-Leste, Andrew Jacobs hatete maka sai apoiu prinsipál husi UE ba Timor-Leste. Liuhusi Parseria ba Melloramentu Nutrisaun iha Timor-Leste.

“UE apoia finanseira no téknikamente Ministériu Saúde iha implementasaun Estratéjia Nasionál ba Nutrisaun ho objetivu atu hametin serbisu kuidadu saúde primaria no nutrisaun ba populasaun. Atu kompletamente apoiu orsamentál, UE envolve UNICEF ho millaun EUR 4,8 (millaun USD 5,6)”, dehan nia.

Hodi apoiu tékniku ba Ministériu Saúde, no Ministériu sira seluk neebé envolve, hodi hadia servisu nutrisaun ne’ebé foka ba prevensaun no jestaun malnutrisaun no moras komum, diversifikasaun dieta nian, no mudansa hahalok no prátika fó susubeen inan nian.

“Diálogu Politiku fornese oportunidade ba diskusaun nakloke kona – ba estatutu , diresaun, no dezafiu sira husi reforma nutrisaun no Jestaun Finansas Publikas nian, konaba koordenasaun efetiva entre parte oin-oin, no konaba progresu iha implementasaun apoiu ne’ebé fornese husi UE no sira seluk, no ninia aliñamentu ba estratéjia no politika Governu nian. Nia kria mos kuadru ida hodi halo balansu implementasaun ba politika no reforma sira husi parseiru nasaun nian, nune mos ba doadór nia kompromisu sira,” nia hatete.

Nia dehan diskusaun ne’e kobre, entre tópiku sira seluk, Politika Nutrisaun ohin loron ( Inkéritu Ai – han no Nutrisaun 2020 ) , Estratéjia Nutrisaun ( Planu 2021-2025 ) iha kontestu Timor – Leste nia Planu Asaun Nasional ba Nutrisaun no Seguransa Ai-han ne’ebé konsolidadu ona.

Print Friendly, PDF & Email

LEAVE A REPLY

Please enter your comment!
Please enter your name here