Home Notisia PR Horta: Kompromete Ba Hau-nia An, Atu Sai Prezidente ba Povu Timor...

PR Horta: Kompromete Ba Hau-nia An, Atu Sai Prezidente ba Povu Timor Hotu

200
0
Prezidente Republika, Dr. Jose Ramos Horta. [Foto: Santy | 20.05.2022]

Reportajen David da Costa Gusmao

Prezidente Republika eleitu, Dr. Jose Manuel Ramos Horta ofisiálmente simu ona pose, hodi sai Prezidente Repúblika ba períodu 2022-2027, nia promete atu sai Prezidente Repúblika ba povu tomak.

Atuál Prezidente Repúblika, Dr. Jose Manuel Ramos Horta dehan iha onra atu simu pose iha aniversáriu planu ho signifikadu ba istória nasionál.

“Ha’u iha onra atu simu pose iha aniversáriu planu ho signifikadu ba ita-nia istória nasional. Tinan  20 liu ona , ne’e importante atu hanoin hikas ezemplu estraordináriu ba unidade no komuniaun hosi povu timoroan sira no sira-nia líder sira durante periodu Luta ba Independensia,” Prezidente Republika atual Ramos Horta dehan bainhira halo nia diskursu iha serimónia tomada de pose iha Tasi Tolu, Sesta 19/05.

Nia haktuir ohin mais duke nunka,  tenke iha konsiénsia tomak katak só liuhosi unidade maka konsege alkansa objetivu sira dezenvolvimentu nian ne’ebé  propoin.  No prezidente ne’e mós promete katak sei sai prezidente ba povu tomak.

“Ha’u kompromete ba ha’u-nia an momentu sira tomak , Prezidente ba timoroan sira hotu, sein iha vasilasaun sira, dúvida ka subterfújiu sira . Ha’u la reprezenta de’it sira ne’ebé vota ba ha’u, timoroan sira hotu ne’ebé hamutuk ho ha’u partilla domin ba rai ida  ne’e no ba ita – nia istória eziste iha ha’u – nia hanoin,” Ramos promete.

Nune’e mós prezidente da Republika ne’e promete sei defende no kumpre deit ba konstituisaun Republika Demokratika de Timor-Leste.

“Ha’u kompromete mós atu defende , kumpri no haruka Konstituisan Repúblika hanesan guardiaun permanente no atentu ba Lei Fundamentál no nia valór sira , valór sira ne’ebé reflete Nasaun ne’ebé ita hili atu moris ba,”  nia nafatin promete.

Print Friendly, PDF & Email

LEAVE A REPLY

Please enter your comment!
Please enter your name here