Home Notisia Lansamentu Livru no Resenseia Livru Komandante Lobo-Dara, Hakerek Hosi Carlos Saky

Lansamentu Livru no Resenseia Livru Komandante Lobo-Dara, Hakerek Hosi Carlos Saky

1891
0
Lansamentu Livru no no Resenseia Livru Komandante Lobo-Dara, Hakerek Hosi Carlos Saky. [Foto: Ato Lekinawa | 19.07.2023]

Reportajen Ato ‘Lekinawa’ Costa

Carlos da Silva “Saky” fundador RENETIL hakerek tan livro ida ho titlu Komandante Lobo-Dara: Luta, Sakrifisiu no Vitora no livro ida ne’e lansa ohin iha Museu da Resistensia hosi Brigadeiro Sabika ho Maunana. Tuir eskritor Saky, Lobodara nia istoria interesante tebes tanba involve mudansas sosial iha familia no mos nia vida militar nian.

“Livro ne’e interessante tanba Lobodara nia aman hetan oho iha Revolta iha 1959, nia maun FRETILIN mak oho iha Aileu, nia alin feto mate milisi mak oho iha 1999. Lobo-Dara mate iha Fatubesi, militar Indonesia mak oho. Lobo-Dara bainhira ba eskola iha seminariu Portugal dirijente seminariu hasai tiha Lobodara tanba dehan nia involve ka familia involve iha revolta 1959”, eskritor Saky esplika iha nia intervensaun.

Carlos Saky mos hatutan nia intervista ho Bispo matebian Basilio ne’ebe haktuir katak Lobo-Dara ne’e “poeta, pintor, no matematika diak ida”.

Sasin sira mak hatene Lobo-Dara nia luta haktuir oinsa sira koinese no hatene Lobo-Dara, inklui istoria pedasuk balun mak Komandante Dudu no Padre Juvito.

“Lobo-Dara nia mai hanesan militar, hela iha Fatubesi hanesan militar. Hau louva nia tan nia komandante duni. Nia promete duni ida ne’e, no halo duni ida ne’e”, Dudu haktuir Lobo-Dara nis istoria.

Komandante Dudu husu ba joven sira estuda halo didiak no lee livro sira ne’ebe hakerek hodi aprende.

Padre Juvito mos haktuir nia sasin katak Komandante Lobo-Dara ne’e komandante duni.

“Nia matan berok hela, nia ho kalsa badak ida, no nia tiru malu hamrik deit”, Pe. Juvito haktuir.

Diretur Exekutivu Arquivo no Museu Resistensia, Hamar Antoninho Baptista expresa nia haksolok ho lansamentu livro ne’e no nia salute Carlos Saky ba esforsu hodi hakerek.

“Hau salut Saky tanba bele hakerek atu jerasaun sira tuir mai bele aprende. Hau Salut mos familia Lobo-Dara mak oferese ona dadus ba hakerek nain. Produtu ida ne’e fo memoria viva ba Timor-Leste”, Hamar espresa.

Hamar mos hato’o katak Museu Resistensia fo apoio uituan hodi imprimi no mos lansamentu ba livro ida ne’e.

Livro “Komandante Lobo-Dara: Luta, Sakrifisiu no Vitora” nia layouter mak Natalino Raimundo Soares ho Oligario

Print Friendly, PDF & Email

LEAVE A REPLY

Please enter your comment!
Please enter your name here