Home Notisia Constâncio: Konstrusaun Estadu Demokrátiku Mak Bele Hamaran Povu nia Matawen

Constâncio: Konstrusaun Estadu Demokrátiku Mak Bele Hamaran Povu nia Matawen

386
0
Kandidatu PR, Constancio Pinto. [Foto: Ekipa susesu | 06.03.2022]

Reportajen Adroaldo ‘Saretukau’

Kampaña kandidatu Dr. Constâncio Pinto “Terus” ba loron da-lima nian hamutuk ho povu Bikari, suku Uma-Wain, munisípiu Viqueque ho nia kompromisu polítika, ba konstrusaun estadu demokrátiku ida ne’e mak atu hamaran povu nia matawen tuir liafuan Proklamador Francisco Xavier do Amaral nian, tanba Timor-Leste ukun rasik aan ona maibé povu sei nafatin halerik ba moris lor-loron nian.

Iha kampaña ho tipu diálogu ne’e, eis embaixador ne’e hatete, konstrusaun estadu demokrátiku iha Timor-Leste, nia sei buka atu servisu ho órgaun estadu hotu-hotu, Parlamentu Nasional, justisa no governu hodi diskuti no estuda hamutuk konabá dezafiu ne’ebé ita nia nasaun enfrenta hodi buka solusaun.

“Ita hotu-hotu, autoridade hotu-hotu, responsáveis governu hosi Prezidente to’o iha kraik tenki iha konsensu ida, liu-liu konsensu ba dezenvolvimentu ba rai ida ne’e, liu-liu kria ambiente polítika ida ne’ebé di’ak atu bele fasilita prosesu dezenvolvimentu ne’e ba oin, ida ne’e mak konstrusaun estadu ida ne’ebé demokrátiku liu,” dehan kandidatu Constâncio “Terus” ba povu Bikari iha Viqueque.

Eis embaixador Constâncio ho númeru sorteiu 11 ne’e sita mos liafuan Proklamador Francisco Xavier nian, mak atu hamaran povu nia matawen katak bainhira nia sai PR nia sei buka esforsu hodi rezolve problema oi-oin ne’ebé povu sira hasoru.

“Hamaran povu nia matawen ne’e la’os hau mak inventa, ne’e liafuan ida ne’ebé avo Xavier husik hela mai ita, antes nia mate, tanba saída? Tanba nia nu’udar proklamador ba interpinasaun ida ne’e nian, nia triste ho ita nia libertasaun ukun rasik aan. Ita ukun rasik aan tiha ona, maibé ita nia povu halerik nafatin tanba moris iha susar nia laran loro-loron,” dehan Constâncio Pinto, domingu, 06/03.

Nia hatutan, wainhira Proklamador Xavier sei moris nia hatete, servisu ba hodi hamaran povu nia matawen, refere ba ita nia vida povu nian. Ida ne’e mak hanesan Contâcio nia mehi mos karik nia eleitu nu’udar Prezidente Repúblika, nia hakarak konkretiza mehi avó Xavier ni-nian, mehi ita hotu nian katak hamaran povu nia matawen.

Print Friendly, PDF & Email

LEAVE A REPLY

Please enter your comment!
Please enter your name here