Home Notisia SEFOPE Lansa Relatóriu Peskiza 2023, 31% Hetan Ona Empregu Iha...

SEFOPE Lansa Relatóriu Peskiza 2023, 31% Hetan Ona Empregu Iha Rai-Laran no Rai Liur

3092
0
Sekretáriu Estadu Formasaun Profisionál no Empregu (SEFOPE), Rogério Araújo Mendoça (Foto: Agostinha | 09.10.2023]

Reportajen Joselina dos Santos

Sekretáriu Estadu Formasaun Profisionál no Empregu (SEFOPE), hamutuk ho Diresaun Nasional Informasaun Merkadu Traballu iha SEFOPE  lansa rezultadu relatoriu peskiza 2023. Objetivu husi atividade ne’e atu buka tuir graduadu/a sira hamutuk 4000 ne’ebé hetan akreditasaun husi SEFOPE liuhusi Centro Formasaun Diretora Nasionál  Institutu Nasionál Dezenvolvimentu Mão de Obra (INDIMO) no Centro Formasaun Ajénsia Nasionál Akreditasaun  Akadémika (ANAA).

Sekretáriu Estadu Formasaun Profisionál no Empregu (SEFOPE), Rogério Araújo Mendoça hatete, atividade ohin ne’e halo lansamentu ba peskiza kona-ba graduadu sira ne’ebe tuir ona formasaun iha Centro Formasaun akreditadu durante ne’e husi 2018-2022.

“Dadaun ne’e ita halo fali lansamentu iha tinan  2023, atu hatene katak formandu sira ne’e nia pozisaun iha ne’ebé no depois tuir formasaun atu ba ne’ebé,  Centro formasaun ne’e Indimo mak bele hatene katak formasaun ne’e standar ka lae tanba nivel 1 too nivel 4, ne’e kopetensia Indimo nian. No  husi nivel 5 too nivel 8 nee ANAA nian, entaun ANAA mak bele deside katak Centro formasaun ne’e akretidatu ka lae tanba ne’e sira-nia respinsabilidade”, dehan, SEFOPE iha Timor Plaza hafoin Lansa Relatoriu Rezultadu Peskiza iha loron,9/10.

Governante ne’e informa, rezultadu dadus peskiza ne’e ho total  hamutuk ema-na’in 6216  mak foti sampel hodi halo entrevista iha 4000. Agora iha 4000 ne’e iha 66% mak husi feto, no 34 % mak husi mane signifika iha balansu jéneru, tanba iha peskiza  ne’e hatudu katak iha tinan 2023 ne’e pursentu feto aas liu mane. Entaun  Husi 6216 ne’e iha 31% mak hetan ona empregu inklui rai-laran no rai liur maibe maioria iha empregu rai liur.

“Ita nia peskiza ne’e buka tuir graduadu sira iha Centro Formasaun durante fulan tolu, maibe nia implmemtasaun fulan rua remata ona, tanba ita-nia target ne’e ba 4000 pesoas ne’ebé akaba ona sira-nia kursu iha Centro Formasaun. Tanba ne’e Ita uza metode entrevista maibe ba 4000 pesoas ne’ebe akreditadu ba Sepofe nian”, dehan, Diretór Diresaun Nasional Informasaun Merkadu Traballu Angelo dos Santos Neloso.

Print Friendly, PDF & Email

LEAVE A REPLY

Please enter your comment!
Please enter your name here