Home Notisia PD Ho FRETILIN Hasoru Malu, Kalohan: Ami Iha Dever Buka Malu no...

PD Ho FRETILIN Hasoru Malu, Kalohan: Ami Iha Dever Buka Malu no Koalia Ba Malu

1313
0
Partidu Demokratiku no FRETILIN hasoru malu iha CCF. [Foto: Zevonia Vieira | 18.02.2020]

Reportazen Zevonia Vieira 

Partidu Demokratiku hasoru malu ho Partidu FRETILIN iha sede CCF, hafoin remata enkontru ba jornalista Sekretariu Jeral PD, Antonio da Conceicao “Kalohan” hateten Partidu nafatin defende dialogu entre partidu politiku sira, liu-liu iha situasaun politika ne’ebe akontese dadauk, nudar responsabilidade partidu politiku sira, atu bele resolve problema politika ne’e.

Relasiona ho informasaun ne’ebe sai diskusaun iha publiku konaba PD sei ba hamutuk ho CNRT atu forma governu foun, jornalista Neon Metin halo konfirmasaun karik ida ne’e los no PD sei hamutuk ho CNRT?

Hatan ba Neon Metin Kalohan hateten agora dadauk PD loke hela komunikasaun politika tanba ne’e mak PD haruka hela karta ba FRETILIN no CNRT, hodi tenta loke komunikasaun politika ida ne’ebe mak iha entendimentu ida, tanba situasaun ne’e labele kontinua hanesan ne’e, tanba populasaun mak sai vitima ba situasaun ida ne’e.

“Ami iha dever nudar partidu ida hodi buka malu no koalia ba malu, agora solusaun ne’e depende ba vontade sira ne’ebe sei mosu ikus, ida ne’e laos signifika ami buka malu atu forma ka halo koligasaun”, hateten Kalohan iha CCF, 18/02.

Komunikasaun saida mak Partidu Demokratiku hakarak atinji relasiona ho situasuan politika ne’ebe akontese?

Ba Neon Metin Kalohan hateten, PD mai espresa ba Sekretariu Jeral Fretilin, saida mak ami koalia ba Prezidente da Republika, tanba PD iha nia pozisaun saida mak Prezidente da Republika inisia.

“Saida mak ami espresa ba Prezidente da Republika ne’e podeser laos asumtu ida ne’ebe mak Prezidente da Repubika atu komunika ba partidu sira seluk. Ami iha dever ida neebe atu hatoo, saida mak ami hanoin ne’e mak ami hato’o ohin, no hanoin ida mak ami sei hato’o mos ba CNRT”, hateten Kalohan.

Iha fatin hanesan Sekretariu Jeral Fretilin, Dr. Mari Alkatiri ba Neon Metin konaba FRETILIN sei mantein pozisaun atu la halo koligasaun foun?

Ba Neon Metin Dr. Mari Alkatiri hatan FRETILIN la presiza koligasaun tanba koligasaun para halo ni servisu, FRETILIN nia aliadu mak povu maibe FRETILIN mos iha sentidu da responsabilidade tenke buka hamutuk ho sira seluk, solusaun ida para sai hosi impase politika.

 

 

LEAVE A REPLY

Please enter your comment!
Please enter your name here