Home Notisia Mari: FRETILIN Lakohi EA Sai Hanesan Kultura Politika Iha TL, Kalohan: EA...

Mari: FRETILIN Lakohi EA Sai Hanesan Kultura Politika Iha TL, Kalohan: EA Laos Pontu Final

1603
0
Partidu FRETILIN ho Partidu Demokratik iha CCF. [Foto: Zevonia Vieira | 18.02.2020]

Reportazen Zevonia Vieira 

FRETILIN lakohi buat ne’e atu sai kultura. FRETILIN mos lakoi katak Prezidente ida nia tempu tinan lima tenke konvoka kedas eleisaun entesipada dalarua ka dalatolu. Ne’e bele akontese iha rai seluk maibe sira nia administrasaun publika, ne’e sai instituisaun forte ona no la afeita. Agora ita nian oras-oras eleisaun antesipada afeta ba administrasaun no afeta direita ba povu nia vida”. Dr. Mari Alkatiri

Partidu Fretilin ho Partidu Demokratiku [PD] hal enkontru durante oras ida liu nia laran iha sede FRETILIN, hodi koalia konaba situasan politika ne’ebe akontese.

Relasiona ho diskusaun publiku ne’ebe lao hela karik ba eleisaun antesipada ou forma governu foun. Depende mos ba deklarasaun Prezidente da Republika katak eleisaun antesipada nudar ultimu rekursu, ba Neon Metin Sekretariu Jeral FRETILIN, Dr. Mari Alkatiri hateten se partidu ida ne’ebe preparadu ba eleisaun aban mak FRETILIN.

“FRETILIN lakohi eleisaun antesipada tanba ne’e sai hanesan kultura politika iha Timor-Leste, ida ne’e mak labele. Krizi ita la konsege resolve halo eleisaun antesipada, ne’e hanesan fen ho laen baku malu soe malu kedas. FRETILIN lakohi buat ne’e atu sai kultura. FRETILIN mos lakoi katak Prezidente ida nia tempu tinan lima tenke konvoka kedas eleisaun entesipada dalarua ka dalatolu. Ne’e bele akontese iha rai seluk maibe sira nia administrasaun publika, ne’e sai instituisaun forte ona no la afeita. Agora ita nian oras-oras eleisaun antesipada afeta ba administrasaun no afeta direita ba povu nia vida”, hateten Mari Alkatiri, iha CCF 18/02.

Iha fatin hanesan Sekretariu Jeral PD, Antonio Conceicao “Kalohan” mos hatan katak sekarik dalan ikus mak eleisaun antesipada, hanesan partidu preparadu.

“Sekarik dalan ikus mak ida ne’e, ami laiha ona entendimentu tenkeser ba eleisaun antesipada no hanesan partidu preparadu. Ami hatene katak ami eziste ona 19 anos no ami preparadu, maibe ami preokupa ho situasaun ida ne’e, laos eleisaun mak pomtu final atu fo rohan ba situasaun politika atual”, hateten Kalohan

LEAVE A REPLY

Please enter your comment!
Please enter your name here