Home Justisa Deolindo: Kazu Krimi Violensia Domestika Iha Tribunal Sei Aas

Deolindo: Kazu Krimi Violensia Domestika Iha Tribunal Sei Aas

202
0
Prezidente Tribunal Rekursu [TR], Deolindo dos Santos iha palacio prezidensia. [Foto: Santina Lucia da Costa | 17.02.2020]

Reportazen Santina Lucia da Costa

Prezidente Tribunal Rekursu [TR], Deolindo dos Santos  hasoru malu ho Prezidente da Republika, Dr. Francisco Guterres Lu Olo, hodi hatoo serbisu TR ba fulan ida nian.

Hafoin remata enkontru ba jornalista sira Prezidente TR hateten prosesu serbisu Tribunal Rekursu sira nian, tenta atu buka solusaun ne’ebe diak, hodi serbisu TR noan lao ho formatu ne’ebe lalais, tanba prosesu pendente iha tinan barak liu. Alende ne’e movimentasaun judisial, tenta para atu bele halo prosesu ne’e ho lalais liu tan.

“Atu halo lalais liu tan mak konsellu presiza atu foti medida balun ne’ebé di’ak, para atu bele prosesa judisial nia serbisu ne’ebé di’ak liu tan”, tenik Prezidente Tribunal Rekursu, Deolindo dos Santos, ba Jornalista sira iha Palasiu Prezidensial, 17/02.

Deolindo dos Santos hato’o mós kondisaun balun ba Prezidente da Republika, tanba atu prosesu serbisu ne’ebé ho lalais, presiza mós iha jestaun ne’ebé di’ak, presiza apoiu ba kondisaun ne’ebé di’ak ba Juiz sira,  hodi bele serbisu ho di’ak, liuliu iha tribunal sira.

Ba jornalista Deolindo informa katak hosi tinan 2019 to 2020, iha Tribunal Rekurusu prosesu sira ne’ebe pendente hamutuk 300 resin. Prosesu kazu krimi ne’ebe pendente iha Tribunal total 54. Husi 300 resin,  agora hela 54 krimes no 91 kazu sivil

“Numeru prosesu krime dominante maka krime dentru familia maka violensia domestika, ne’e sei aas tebes, depois krime kontra vida sei aas, krime kontra propriedade, ne’e buat ida ne’ebé sei akontese hela. Sivil nian sei domina ho prosesu diversidade, konaba proriedade ema nian, aliende ida ne’e mós, iha relasaun kontratu ne’ebé iha, ida ne’e akontese tanba uluk ne’e ema la komprende, ladun diskuti konaba rai, uma, mais agora ema komesa komprende, du que baku malu di’ak liu lori ba, pois Tribunal desidi”, esplika Deolindo

Iha enkontru refere, Prezidente da Republika hatan katak maske iha difikuldade tanba orsamentu doudesimu, ho situasaun politika, Prezidente da Republika enkoraza nafatin para tribunal sira tenke funsiona normal nafatin, para atu fó justisa ne’ebé di’ak ba povu Timor hotu.

 

 

LEAVE A REPLY

Please enter your comment!
Please enter your name here