Reportazen Francisco JDA
Ministerio Solidariedade Sosial no Inkluzaun [MSSI] halao akordu kooperasaun ho Portugal iha ambitu formasaun ba tekniku, liu hosi instituisaun Seguransa Sosial no Tenkniku, hosi Ministerio Finansas, atu bele hasae konnesimentu ba atendimentu publiku iha futuru.
Ministra Soliedariedade Sosial Inkluzaun, Armanda Berta dos Santos ba jornalista sira hatete politika seguransa sosial iha sistema rua hanesan rejime kontribuitivo no rejime naun kontribuitivu
“Ida ne’e ba institute nasional sosial nian, tanba ita mos presiza referensia konnesimentu diak ho Portugal, tanba ida ne’e mak servisu hamutuk oinsa ita atu bele jere orsamentu seguransa sosial ba iha futuru, hodi bele investe, liu-liu ba familia”, esplika Minstra Sosial Armanda Berta iha Hotel Timor, 17/02
Ministra Berta hatutan hosi sistema rua ne’ebe sei implementa, hare ba ekonomia atu bele proteze ba familia sira, atu kontribui sosial ba iha futuru, hosi formasaun ne’e atu melhora imformasaun diak liu tan ba iha futuru, nune’e formasaun ne’e sei partisipa hosi tekniku sira hosi seguransa no tekniku finansas hamutuk 20 pessoas.
Entertantu Koordenador Residensia Nasoens Unidas, Roy Trivedy hateten, kooperasaun ne’e oinsa mak Portugal bele fahe esperensia kona ba protesaun sosial, tanba protesaun sosial importante tebes ba sidadun ida atu fundamenta moris ho sidadaun seluk.
“Mais ou Menus porsentu 35 ate 40 sidadaun moris iha problema probreza, entaun protesaun sosial importante atu proteze grupu vuneravel sira iha Timor-Leste, inklui ema ho difisensia, ema idiozu la servisu nune’e tenke proteze ema vuneravel”, tenik Roy.
Roy Trivedy haforsa liutan, bainhira jornalista Neon Metin koko konfirma via telefone relasiona ho 35-40 sidadaun moris iha problema probeza. Roy Trivedy informa katak atu reforsa implementasaun politika mak presiza refleta konaba finanseiru publiku, pelu menus 3%, hodi suporta protesaun sivil no sosial tenke uza osan no rekursu ho maneira ne’ebe efikasia.
“Hau espera katak hosi koperasaun ne’e atu ajuda politika TL atu hili parte importante ba seguransa sosial no civil ho efiaks”, hateten Roy ba Neon Metin.
