Home Notisia Kazu Tara-an, KJSLU Ho Familia Deskonfia Ema Seluk Mak Oho no Lori...

Kazu Tara-an, KJSLU Ho Familia Deskonfia Ema Seluk Mak Oho no Lori Ba Tara Iha Aikami

2159
0
KJSLU halo konferensia imprensa. [Foto: Bernarda da Costa | 26.04.2021]

Reportazen Bernarda da Costa*

Iha akontesementu feto ida tara-an iha loron 25 Abril iha Munisipiu Baucau Postu Administrativu Baguia, ho akontesementu refere Klibur Juventude Suku Loi-Ulo (KJSLU) no familia iha Dili la satisfaz ho Julieta nia mate dehan tara an, maibe KJSLU ho familia iha Dili  deskonfia iha ema balun maka hakotu vitima nia vida.

Portavoz David da Silva Xavier liu husi konferensia imprensa hateten kazu tara-an ne’ebe akontese iha munisipiu Baucau iha loron 25 Abril ,alin feto ida naran Julieta da Silva Cristina ho idade 23 nebe mak viral iha media sosial, hatudu katak insatisfasaun tamba vitima tara an hanesan hakneak, kaben la suli, nanal la sai no tali ne’ebe nia uza ho modelu ne’ebe maka laos tara an.

“Ho razaun ida ne’e maka ami husi estudante ne’ebe hamahan an iha organizasaun KJSLU no familia sira husi Dili ladun satisfaz no la konkorda ho kronolojia konaba kazu tara an ne’ebe akontese ba ami nia feton no oan, tanba ami deskonfia vitima la tara an, tanba bazeia ba informasaun ne’ebe ami hetan no foto iha media sosial, hatudu katak ema seluk maka oho vitima molok lori nia ba tara iha Aikami,”dehan portavoz ba jornalista sira iha Aldeia Mota Ulun suku Bekora, 26/04.

KJSLU hakrak eziji ba PNTL postu administratvu Baguia no PNTL Munisipiu Baucau atu investiga klean ba kazu refere ,tamba bazeia ba foto no informasaun ne’ebe espalla ida media sosial deskonfia vitima laos tara an, maibe ema seluk maka oho molok lori matebian nia isin hodi ba tara.

“Ami hakarak husu ba polisia Forensik no PSIK atu halo autopsia ba mate isin refere, hodi nune’e bele hatene konaba motivu lolos husi akontesimentu. Husu ba Rede Feto ho nia membru sira hanesan Fundasaun Alola, JSMP, Fokupers, Pradet no seluk tan hamutuk ho parseiru hodi halo advokasai ba kazu refere,”informa portavoz KJSLU.

Iha parte seluk familia vitima iha Dili, Octavio da Silva Monteiro hateten informasaun ne’ebe iha katak distansia husi tara an tun mai rai 2.50 metru deit no iha kondisaun hakneak, no tali nia fukun iha fali kotuk, entaun ho kondisaun ida hanesan oinsa mak tali bele hakas nia kakorok hodi nia bele mate.

“Ami la fiar dehan vitima mate tamba tara an maibe ami deskonfia iha ema ruma mak hakotu nia vida no lori fali nia isin ba tara iha Aikami, tamba tali nebe tara iha vitima nia kakorok uza muskuiteru no iha vitima nia isin iha liman fatin,” haktuir Octavio.

*(Bernarda da Costa nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here