Home Notisia PR Promulga Estensaun EE, Sei Hahu Hosi Oras 00:00 Loron 28 Abril

PR Promulga Estensaun EE, Sei Hahu Hosi Oras 00:00 Loron 28 Abril

1200
0
Prezidente da Republika, Dr. Francisco Guterres Lu Olo. [Foto: Copyright Media PR | 27.03.2020]

Reportazen Zevonia Vieira

Prezidente da Republika, Dr. Francisco Guterres Lu Olo iha loron 27 Abril liu hosi Dekretu Prezidensia numeru 32/2020 Promulga estensaun Estadu Emerjensia durasaun loron 30, hahu hosi oras 00:00 hosi 28 Abril to’o oras 2359 27 Maiu 2020, nudar dalan diak liu ba prevensaun no kombate Covid-19.

Deklarasaun EE abranje territoriu nasional toma ho fundamentu hases sidadaun hotu ne’ebe hela iha Timor-Leste hosi kalamidade publika ne’ebe bele mosu hosi Covid-19.

EE ne’ebe Prezidente da Republika deklara iha loron 27 Marsu, remata horseik iha lroon 26 Abril 2020. Bainhira Prezidente da Republika deklara estadu emerjensia kazu pozitivu iha Timor-Leste ho Covid-19 iha ida deit. Ohin loron Timor-Leste iha kazu pozitivu iha nain 22 no rekuperadu nain 6.

Hare ba numeru kazu iha nivel global no Timor-Leste ne’ebe aument ba bebeik, Governu hatama proposta estensaun estadu emerjensia atu fo protesaun ba saude publika iha Timor-Leste no iha meius legais atu bele halo intervensaun ho lalais iha prevensaun Covid-19, atu la hadaet moras ne’e be bebeik no hamate ema barak.

Hafoin simu pedidiu hosi governu iha loron 22 Abril 2020, Prezidente da Republika rona hanoin sira hosi Konsellu Estadu no Konsellu Superior Defeza no Seguransa ne’ebe umanimidade husu Xefe Estadu hakerek karta Parlamentu Nasional ba estensaun estadu emerjensia.

Ohin loron 27 Abril Parlamentu Nasional aprova karta Prezidente da Republika ba estensaun estadu emerjensia ho votus 37 afavor, 23 kontra no 4 abstensaun.

“Sidadaun ninian nudar dalan diak liu ba prevensaun transmisaun Covid-19, liu hosi kontrolu sanitaria iha portu no aeroportu, Liberdade ba sirkulasaun, direitu ba reuniaun, manifestasaun no rezistensia, atividade sosial no direitu traballador sei limite atu salva povu nia moris”, deklara Prezidente da Republika, iha loron 27/04.

Deklarasaun EE sei laiha efeitu ba moris, integridade fizika, kapasidade sivil no sidadanian, la retroativu ba Lei Penal, defeza ba prosesu criminal, Liberdade ba konsiensia no relijiaun, la sai sujeitu ba torturasaun, eskravatura, tratamentu kruel, dezumanu no la diskriminativu.

Estadu TL aprende hosi nasaun sira ne’ebe tarde foti medidas preventivas atu kombate Covid-19,  ikus mai lori efeitu boot ba nasaun, ema barak mate no kontaminadu. Estensaun ba estadu emerjensia ne’e nudar kontinuasaun hosi medidas preventivas no kombate hasoru Covid-19 ne’ebe estadu foti atu proteje nia sidadaun, povu no pais.

Mundialc Corona virus hadaet ema liu 3 miloens no hamate ema nain 207 mill iha nasaun 193.

Print Friendly, PDF & Email

LEAVE A REPLY

Please enter your comment!
Please enter your name here