Home Uncategorized EE Passa, TMR: Agradese Ba Meja PN no Ba Linha Oin Sira...

EE Passa, TMR: Agradese Ba Meja PN no Ba Linha Oin Sira Governu Iha Imi nia Kotuk

389
0
Primeiru Ministru Taur Matan Ruak. [Foto: Francisco JDA | 27.04.2020]

Reportazen Francisco JDA

Hafoin Estadu Emerjensia [EE] ba fulan dahuluk nian remata iha loron 26 oras tuku 00:00 kalan, iha loron 27 Abril VIII Governu lori proposta hodi husu ba Parlamentu Nasional hodi aprova ba extende tan EE ba daruak nian durante fulan ida.

Liu hosi rezultadu votasaun iha plenaria a-favor ba extende EE hamutuk 37, kontra nain 23 no abstensaun nain 4.

Primeiro Ministru, Taur Matan Ruak ba jornalista sira hateten, lori governu nia naran hatoo agradese ba meja Parlamentu Nasional tanba bele fo autorizasaun ba Presidente da Republika hodi bele halo renovasaun ba Estadu Emerjensia.

“Mundu tomak terus no sofre ba Corona virus, to’o agora vasina no aimoruk la iha, medida diak ba kontinua promove hijiene fase liman. Hau agradese los ba mediku sira, infermeiro sira no  a saude nian militar no polisia, bombeiros no sidadaun hotu ne’ebe hamriik iha oin para ajuda kombate virus ida ne’e.  Hau agradese sira no fo koragen ba sira katak governu iha sira nia kotuk, la haluha espera katak ita iha kbiit atu redus no minimiza risku kontagio ba ita nia populasaun”, hateten Primeiru Ministru Iha Parlamentu Nasional, 27/04

Primeiru Ministru salienta tan, governu prepara medidas sosiais no ekonomikas, dadaun ne’e deskute namanas ba  mekanismu de implementasaun, espera katak iha tempu ohin mai bele implementa.

Primeiru Ministru mos hateten governu mos respeita pozisaun ba sira ne’ebe kontra no abstensaun, tanba ne’e demokrasia, hanesan ne’e governu rezista preokupasaun hotu, espera nasaun tomak bele hetan dalan diak, hodi ultrapasa situasaun ida ne’e, maibe mos ema mate labele hanesan ho nasaun sira seluk nian, hamlaha sei bele resolve maibe Corona la iha aimoruk no la iha vasina.

LEAVE A REPLY

Please enter your comment!
Please enter your name here