Home Notisia MSSI Sei Implementa Bolsa da Mae Jerasaun Foun, Redus Problema Mal Nutrisaun...

MSSI Sei Implementa Bolsa da Mae Jerasaun Foun, Redus Problema Mal Nutrisaun no Kiak

1088
0
Inan ho nia oan nain tolu iha RAEOA. [Foto: Zevonia Vieira | 23.07.2021]

Reportajen Francisco JDA

Ministériu Solidariedade Sosiál no Inkluzaun (MSSI) sei implementa bolsa da mae hahú hosi idade 0-6, ho osan $20.00 kada fulan, ho objetivu  atu redús problema mal nutrisaun no kiak iha Timor-Leste, nune’e programa nee sei hahú implementa iha Munisípiu Bobonaru, Ainaro no RAEOA bazeia ba sensu 2015 nian.

Hafoin iha aprezentasaun matéria bolsa da mae jerasaun foun, tuir Diretór Geral MSSI, Rui Expostu esplika katak, programa ne’e implementa atu redús insidénsia pobreza no hadi’a saúde nutrisaun inan no labarik, tanba ko’alia kona ba nutrisaun ne’e hahú kedas inan isin rua  to’o  partu.

“Programa ne’e foun ita konsentra ba bolsa da mae jerasaun foun, la’ós bolsa da mae agora dadauk ne’ebe eziste, ita investe uluk iha inan isin rua no primeiru infánsia, subsídiu ba labarik ho defisiente fo tan adisional, se karik inan ne’e partu, bebe moris mai ho kondisaun defisiente entaun hetan tan subsídiu $10.00 adisional, tanba labarik defisiente la hanesan ho labarik sira ne’ebé moris ho normal ka la difisiente” hatete Diretór Jerál MSSI Rui Expostu,  hafoin hala’o enkontru ho parseiro internasional sira iha Hotel Timor, 22/07

Diretór MSSI ne’e dehan, bolsa da mae antes ne’e iha $5.00 ba fulan ida, maibé programa bolsa da mae jerasaun foun ne’e sei hasae ba fulan ida $15.00 ba inan isin rua, to’o bebe ne’e moris hetan tan $5.00 entaun totál $20.00 ba labarik ida, nune’e ho pagamentu ne’e sei halo kada fulan ida, ou fulan tolu dala ida, fo osan ne’e ho razaun katak inan isin rua bele sosa hahán nutritivu, atu nune’e bebe ne’e labele hetan mal nutrisaun.

Diretór Geral realsatan kona ba prosesu adminitrasaun sei simplifika, atu ema bele asesu ho lalais no programa ne’e rasik sei hare mós ho programa Ministériu sira seluk, ba problema mal nutrisaun nian.

Print Friendly, PDF & Email

LEAVE A REPLY

Please enter your comment!
Please enter your name here