Home EduTek Atu Reativa Aula Prezensial UNTL, Sei Hein Karta Komunikasaun Formal Husi MESSK

Atu Reativa Aula Prezensial UNTL, Sei Hein Karta Komunikasaun Formal Husi MESSK

348
0
Reitor Universidade Nasionál Timor Lorosa'e (UNTL), João Soares Martins. [Foto: David | 22.07.2021]

Reportajen David da Costa Gusmao

Universidade Nasinál Timor Lorosa’e (UNTL) atu reativa aula prezensiál ba estudante UNTL, maibe sei hein instrusaun husi governu no  Ministériu Ensinu Superior Siensia no Kultura (MESSK),  tanba karta komunikasaun formál ba universidade atu reativa aula prezensial ne’e UNTL seidauk iha.

Reitor Universidade Nasionál Timor Lorosa’e (UNTL), João Soares Martins informa atu reativa  aula prezensial ba estudante sira sei hein instrusaun husi governu no Ministériu Ensinu Superior Siénsia Kultura (MESSK).

“Ministériu Ensinu Superior seidauk konvida reitor sira para bele fo instrusaun, para atu  reativa aula prezensial, nune’e ita hein de’it instrusaun husi sira husi governu no MESSK, tanba Karta Komunikasaun formál ba universidade atu reativa aula prezensial ne’e seidauk iha,” dehan Reitor UNTL João iha Salaun Ian Martin Infordepe Balide Dili , Kinta 22/07.

Reitor haktuir dala ruma reativasaun ne’e monu iha fulan Agostu, maibé nafatin iha ezinsesia katak estudante, profesores no funsionaria sira tenke simu vasina kompleta,hafoin bele reativa aula prezensiál ne’e.

Nia salienta karta komunikasaun formál ba universidade atu reativa aula prezensial ne’e seidauk iha, maibé se governo deside reativa fali aulas prezensial ne’e di’ak tebes ba universidade sira no profesores sira, tanba bele halao fila fali aula aprendizajen hanesan baibain.

Enkuantu estudante UNTL lubuk ida mak seidauk vasina, tanba ne’e reitór UNTL apela ba sira ne’ebé seidauk vasina, atu hakbesik an ba fatin vasinasaun ne’ebé governu prepara  ona, tanba aula prezensial mós nia ezijénsia tenke vasina kompleta mak foin hahú.

Print Friendly, PDF & Email

LEAVE A REPLY

Please enter your comment!
Please enter your name here