Home Saude 7 Juñu, Deteta Kazu Pozitivu COVID 24, Rekuperadu 194 no kazu Ativu...

7 Juñu, Deteta Kazu Pozitivu COVID 24, Rekuperadu 194 no kazu Ativu 2232

200
0
Ilustrasaun variadade foun Corona B117. [Foto: copyright google | 15.03.2021]

Reportajen David da Costa Gusmao

Liu hosi komunikadu imprensa ne’ebe maka Sala Situasaun Sentru Integradu Jestaun Krize (CIJK) fó sai katak kazu COVID-19 foun ne’ebé rejista ohin loron hamutuk 24, hosi Dili 20 no munisípiu seluk 4 no kazu rekuperadu hamutuk 194 no kazu ne’ebé mak sei ativu iha izolamentu hamutuk 2,232.

Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Rui Maria de Araujo informa ohin Kazu deteta  foun ne’ebé  relata ba ohin loron 7  Juñu tinan ne’e hamutuk 24  no iha Dili 20, no iha Munisipiu seluk 4.

“Hosi total kazu detetadu foun ohin mane 15, feto 9, no kazu hirak  ho idade tinan entre 12-59 nain 23 (95,8%),  ho idade 60 nain ida. Kazu ohin ne’e ho proporsaun kazu sintomátiku hamutuk 16,6%,” dehan Dr. Rui Liu hosi komunikadu imprensa ne’ebe Neon Metin asesu iha Loron, 7/06.

Nia haktuir, hosi total kazu ohin ne’e, iha mos Kazu rekuperadu ba ohin loron 7 Juñu tinan ne’e , hamutuk 194. Total kazu ativu iha izolamentu ohin, loron hamtuk 2,232. Nune’e mós iha total kazu konfirmadu kumulativu sura hosi 21 Marsu 2020 to’o ohin loron hamutuk 7,764. Ema ne’ebe halo teste PCR hamutuk 342.

Nune’e CIJK apela  ba populasaun  iha Dili  laran  no  mos  iha Munisípiu sira  seluk, atu  aprezenta-an  iha fasilidade saude publiku (Sentru Saude ka Ospital) ne’ebe besik, bainhira sente isin-manas, ka kakorok moras, ka inus-ben, ka mear, hodi bele hetan atendimentu husi profisional saude sira.   

“Wainhira sedu liu hatene se virus ne’e kona ita ka la’e, di’ak liu, hodi nune’e bele hetan entendimentu  sedu liu,  no prevene  tama  ba  iha  situasaun  ne’ebe  hanaran síndroma insufisiénsia respiratória aguda (SIRA), ka susar/difisil atu dada-i’is”, nia apela

Print Friendly, PDF & Email

LEAVE A REPLY

Please enter your comment!
Please enter your name here