Home Uncategorized Mari Alkatiri: FRETILIN Sei Hili Ema Tuir Meritu

Mari Alkatiri: FRETILIN Sei Hili Ema Tuir Meritu

6337
0
Sekretariu Jeral partidu Fretilin, Dr. Marí Alkatiri iha palacio prezidensia. [Foto: Zevonia Vieira | 25.01.2020]

Reportazen Zevonia Vieira

Partidu FRETILIN apoiu VIII Governu, hodi viabiliza VIII Governu. Neon Metin halo entrevista ho Sekretariu Jeral Partid FRETILIN, Dr. Mari Alkatiri relasiona ho involvementu Partidu FRETILIN iha governasaun ne’ebe lidera hosi Primeiru Ministru Taur Matan Ruak. Ba Neon Metin, Dr. Mari Alkatiri hateten FRETILIN hahu fo apoiu ba VIII Governu no laiha kumprimisiu. Sei iha insedensia parlamentar para apoiu governu nia programa no nia proposta balun.

Sekretariu Jeral hateten bainhira insidensia parlamentar lao ona mak FRETILIN halo konferensia nasional no fo mandatu ba Sekretariu Jeral FRETILIN halo dialogu hodi kria Plataforma de Intendimentu ida. Tan ne’e mak iha loron 14 Marsu halo konferensia imprensa, no iha 21 Marsu PLP ho FRETILIN asina Plataforma de Intendimentu.

“Politika FRETILIN nian laos atu harii governu foun, politika FRETILIN nian atu viabiliza VIII Governu, tanba ne’e mak FRETILIN tama ho nia kuadru sira ne’ebe nia perfil sai tekniku liu duke politiku, ” Dr. Mari Alkatiri hatete liu hosi telefone, 29/04. 

“Kuadrus politiku sei latama, signifika apoiu tekniku para bele viabiliza kestaun teknika para VIII governu lao ba oin. Nia atu sai Ministru, Vice Minsitru ka Secretariu Estadu, sira nia perfil no sira forte liu iha tekniku, duke iha politiku no sira laos membru Commite Central, no laos membru Komisaun politka, maibe sira militante babain, ” Dr. Mari Alkatiri hatutan.

Bainhira Neon Metin konfirma kriteiru fundamental saida mak FRETILIN iha ba kuadru militante ne’ebe atu tama iha governasaun?

Ba Neon Metin Sekretariu Jeral FRETILIN hateten, primeiru mak hare sira nia Curiculum Vitae [CV], kuandu tama por meritu bele estuda sira nia CV, estuda sira nia kursu no hare sira nia pratika ne’ebe mak sira halo iha tinan barak nia laran.

Lideransa Partidu FRETILIN ne’e hateten to’o agora iha ona nain lima [5] ne’ebe mak FRETILIN hatudu ona, maibe sedauk bele fo hatene naran,  tanba Primeiru Ministru mak sei anunsia.

Eiz Primeiru Ministru ne’e hateten liu hosi apoiu VIII Governu ida ne’e, FRETILIN hakarak apoiu no atinji boa governasaun, transparensia, efisiensia, efikasia no atinji mos kapasidade para atu kuriji saida mak sala ba tinan hirak nia laran. Laos deit impase politika, tanba impase politika ne’e mai hanesan rezultadu hosi governasaun ida ne’ebe falha. Laiha interese FRETILIN nian para atu sobu, FRETILIN nen sobu organziasaun no nen sobu estadu.

Ho situasaun ba moras surtu Covid-19, liderasan partidu FRETILIN ne’e hateten, “ba Covid-19 loloos ne’e ita hotu apoiu governu. Serbisu ho governu no fo kbiit ba governu ho ita nia kbiit rasik, ho aumenta tan governu nia kbiit, ita labele halo serbisu paralelu, no labele halo serbisu atu kompete malu fali.”

LEAVE A REPLY

Please enter your comment!
Please enter your name here