Home Notisia FRETILIN Sei Hili Ema PD Ida Hodi Tama Governo no Sei Mantein...

FRETILIN Sei Hili Ema PD Ida Hodi Tama Governo no Sei Mantein Membru Governo Hosi CNRT

6187
0
Fundador RDTL no Sekretariu Jeral Fretilin, Dr. Marí Alkatiri. [Foto: Zevonia Vieira | 07.12.2019]

Reportazen Zevonia Vieira

Neon Metin halo entrevista ho Sekretariu Jeral Partid FRETILIN, Dr. Mari Alkatiri via telefone relasiona ho involvementu Partidu FRETILIN iha governasaun ne’ebe lidera hosi Primeiru Ministru Taur Matan Ruak. Ba Neon Metin, Dr. Mari Alkatiri hateten FRETILIN hahu fo apoiu ba VIII Governu no laiha kumprimisiu. Atu viabiliza governo FRETILIN sei hili ema hosi PD no hakarak kontinua mantein membru governu CNRT nian.

“FRETILIN sei hatudu Partidu Demokratiku nia membru ida, tanba politika grande inkluzaun FRETILIN halao ona iha 2017. Entaun ne’e hanesan pratika ida  hosi grande inkluzaun. Ninia vantazen mak para iha estabilidade politika no iha estabilidade governativa.  Vantazen mos tan sei harii ita nia estadu, ita atu halo demokrasia bainhira ita harii, ” Hateten Dr. Mari Alkatiri.

Karik inklu partidu CNRT ne’ebe mak FRETILIN hakarak hili? Ba Neon Metin Dr. Mari hateten, CNRT Iha ona laran no laiha ema ida hosi CNRT nian mak atu hetan demisaun ka ezonerasaun.  Ne’e  depende ba politika CNRT nian, se ne’e grande inkluzaun CNRT segundu mais votadus,  FRETILIN labele tama para sori ka sobu.

Tuir lista ne’ebe amk FRETILIN aprezenta, ema nain lima ne’e mak sei priense Ministeriu Finansas, Ministeriu Administrasaun Estatal, Ministeriu Saude no Ministeriu Komersiu no Industria

Mari Alkatiri hateten FRETILIN lakohi tama atu troka ema seluk maibe tama para viabiliza governu. FRETILIN ense fatin ne’ebe mak ema sedauk iha.

Ho situasaun ba moras surtu Covid-19, liderasan partidu FRETILIN ne’e hateten, “ba Covid-19 loloos ne’e ita hotu apoiu governu. Serbisu ho governu no fo kbiit ba governu ho ita nia kbiit rasik, ho aumenta tan governu nia kbiit, ita labele halo serbisu paralelu, no labele halo serbisu atu kompete malu fali.”

LEAVE A REPLY

Please enter your comment!
Please enter your name here