Home Feature Covid-19, Joao Aluga Kios Faan Obralan no La Folin, Tanba La...

Covid-19, Joao Aluga Kios Faan Obralan no La Folin, Tanba La Selu Uma Nain Haruka Sai

1599
0
Joao Gabriel faan obralan iha merkadu Baucau. [Foto: David da Costa | 29.04.2020]

Kontributor David da Costa

Moras surtu Covid-19 iha Timor-Leste lori duni tauk ba ema hotu tanba virus ne’e daet ema ida ba ema seluk, ho moras surtu nasaun barak inklui Timor-Leste tenke foti medidas preventivas, liu hosi implementa lock down no Estadu Emerjensia [EE] ho nune’e bele limita movimentu sidadaun sira iha liur.

Estadu Emerjensia meius diak ba sidadaun nian saude maibe karik la dun justu ba ema sira ne’ebe mak halo negosiu kiik?

Situasaun ba ema negosiante kiik sira ne’ebe faan sasan iha merkadu, afeta duni ba sira nia moris bainhira EE implementa, Joao Gabriel negosiante ida ne’ebe faan obralan iha merkadu Baucau. Joao hasoru susar boot tanba aluga uma hodi faan sasan sira, maibe sasan la folin no keios sira ne’e taka hela deit.

“Hau sente triste tebes, tanba durante dekreta estadu emerjénsia ema laiha atu sosa hau nia obralan, entaun hau foti dezisaun hodi taka keios durante iha estadu  emerjénsia, bainhira mak estadu emerjénsia hotu ona mak hau  mai fali loke hau nia keios”,  konfesa joão ho oin triste

Joao hateten uma nain ezije hela osan fulan nian hodi selu maibe osan atu selu ba uma aluga ne’e laiha.

“Bainhira estadu emerjénsia fulan ida nian remata, uma nain mos telefone tuir husu  osan fulan ida nian, mais osan atu selu laiha tanba durante fulan ida la fa’an obralan. Bainhira hau iha foho uma nain ne’ebe hau aluga nia uma, mos telfone tuir hau atu mai selu osan us $150,00 fulan ida nia, mas hau hatan osan selu laiha durante EE hau mos la fa’an no keios taka hela deit, osan hau foti iha ne’ebe mak atu fó, maibe uma nain hatan ba nia iha via telefone katak ne’e hau la hatene maibe ita tenke selu nafatin, sei la selu enatun hasai tia ita boot nia obralan para fó aluga fali ba ema seuk”, tenik Joao

Ho oin triste nia mai hasai nia sasan sira iha keios laran hodi tau fali iha viziñu sira nia keios, tanba nia fatin atu tau obralan laiha ona.

“Hau triste los bainhira uma nain hasai hau husi fatin ne’e,  hau durante tinan tolu faan obralan iha fatin ne’e mak sustenta hau nia familia nia moris loron loron, maibe ohin uma nain hasai ona hau, atu ba fa’an fali iha ne’ebe mak atu sustenta hau nia moris, lahatene los atu ba aluga fali fatin ne’ebe”, tenik Joao ho laran triste.

Print Friendly, PDF & Email

LEAVE A REPLY

Please enter your comment!
Please enter your name here