Home Memoria Lansa Obra Jurnalistiku 1975-1999, Media RENETIL Neon Metin Ho Talitakum Faz Parte...

Lansa Obra Jurnalistiku 1975-1999, Media RENETIL Neon Metin Ho Talitakum Faz Parte Hosi Istoria

310
0
Media RENETIL Neon Metin - Talitakum iha ezibisaun dokumental iha Balibo. [Foto: Zevonia Vieira | 15.10.2020]

Reportazen Marcio Morato Pinto

Neon Metin no Talitakun nudár media ne’ebe hari iha tempo luta nian, nune’e sira faz parte ona iha ita nia historia. Tamba papél media iha tempo passado ne’e importante tebes no sira tama iha ambiente ne’ebe difisil hodi hakerek subar-subar, iha area Indonesia nian”. Gaudencio Soares

Centro Nacional Chega! serbisu hamutuk ho Konsellu Imprensa lansa obra jurnalistiku hosi 1975-1999 no ezibisaun documental jornalista rai laran inklui Media Resistência Nacional dos Estudantes de Timor-Leste (RENETIL) Neon Metin no Talitakum, iha loron komemorasaun tarjedia Balibo 16 Octubro 1975-16 Octubro 2020 iha Balibo, municipiu Bobonaro.

Antes iha loron lansamentu prudutu jurnalistiku, Diretor Exekutivu Centro Nacional Chega! (CNC), husu lisensa ba rai nain no matebian sira hotu, atu satan hela obra hirak ne’e, tanba obra hirak ne’e nudár ezemplu hosi produtu jurnalistiku rai liur no rai laran sira nian.

“Ezibisaun ne’e sei hatudu mai ita produtu jurnalistiku sira hosi 1974-1999, ita la halo ezibisaun ba hotu-hotu, maibé ita foti ezemplu ida rua hosi jornais sira ne’ebe prodús iha liur no iha rai laran”, dehan Hugo iha Balibo, 16/10.

Iha fatin hanesan Diretor Relasaun Externa CNC, Gaudencio Soares hateten lansamentu hirak ne’e atu valoriza obra jornalista rai liur nian, ne’ebe sira hakerek iha tempo luta, liuliu jornalista rai laran hanesn Neon Metin no Talitakum.

 “Neon Metin no Talitakun nudár media ne’ebe hari iha tempo luta nian, nune’e sira faz parte ona iha ita nia historia. Tamba papél media iha tempo passado ne’e importante tebes no sira tama iha ambiente ne’ebe difisil hodi hakerek subar-subar, iha area Indonesia nian. Nune’e liu hosi meios ba lansamentu ida ne’e, ita valoriza sira nia servisu jornalista nian liuliu jornalista Neon Metin no mos Jornalista sira seluk nebe horikalan sira nia obra ita prodús no publika ona iha lansamentu”, dehan Gaudencio.

Entertanto Diretor nee mos dehan ida ne’e hanesan meios ida atu transmite memória ba jerasaun foun sira, tamba ema barak seidauk hatene didiak papél jornalista sira nian.

Iha fatin hanesan Estudante 8o ano nain rua,  Benevigno da Costa no Jacinta Melania hateten katak istoria akontesimentu Balibo lori sentimentu rua ba sira maka sentimentu triste no kontente. Ho nune’e hosi lansamentu ida ne’e, sira bele aprende diak liu tan saida maka Dr.José Ramos Horta hateten iha ninia breves palavras bainhira selebra tinan 45 akontesimentu Balibo.

“Ami sente triste tamba hare maun balu, avo balun, tio balu mate liuliu jornalista sira mate iha Balibo, ami rona istoria nee husi Avo Ramos Horta ne’ebe ohin konta iha palku leten, halo ami sente triste. Ami mos sente kontente tamba ohin bele tuir no hare ema boot sira halo lansamentu ba obra jornalista sira nian”, dehan Benevigno no Jacinta.

Lansamentu Ezibisaun  Dokumental “obra jornalistiku” durante períodu 1974-1999 ne’ebe realiza iha Balibo, hetan partisipasaun hosi Presidente sesante Dr. Jose Ramos Horta, Ministro Assuntos Parlamentares no Komunikasaun Social Francisco Jerónimo, Diretor Exekutivo CNC Hugo Fernandes, autoridade nacional no Munisipal sira, komunidade no estudante Balibo sira no mos jornalista sira.   

LEAVE A REPLY

Please enter your comment!
Please enter your name here