Home Memoria Balibo Five, Roger East Hateten Ba Horta: Hau Lakohi Sai Hosi Timor,...

Balibo Five, Roger East Hateten Ba Horta: Hau Lakohi Sai Hosi Timor, Hau Ba Foho Ho FRETILIN

397
0
The Balibo Five Greg Shackleton, Tony Stewart, Malcolm Rennie, Brian Peters, Gary Cunningham. [Foto: Copyright google | 16.10.2020]

Reportazen Adroaldo Saretukau

Iha komemorasaun trajédia Balibo badala 45 ne’ebe military Indonesia sira konsege oho jornalista nain lima mai hosi Australia no Nova Zelandia iha loron 16 Outubro 1975 iha fonteira Balibo, ne’ebe konnesidu ho naran Balibo Five.

Liu kalan refleksaun Laureadu Nobel da Paz, Dr. Jose Ramos Horta haktuir fali istoria importante ne’ebe akontese konaba jornalista nain lima ne’ebe mak mai halo kobertura.

“Ha’u koñese sira hotu, ida kaer kamera ne’e mak Brain Peters ho Malcolm Rennie hosi Inglatera, Greg Shackleton ida ne’e mak joven liu ho tinan 21, hosi Nova Zelandia. Peters ho Malcolm ha’u mak tula sira hosi Dili mai ho kareta Mitsubishi FRETILIN nian, hanesan primeira viatura ne’ebé ami sosa. Ha’u ba Melbourne iha Jullu 1974, señor ida fo mai ha’u $1000 Dollar Australia. To’o iha Díli sosa kareta, segunda ka terseira, ne’e mak sai viatura FRETILIN nian”, hateten Dr. Jose Ramos Horta iha kalan reflesaun tarjedia Balibo iha Balibo, 15/10.

Horta hatutan nia tula sira iha aero porto no direitamentu ba Balibo, tanba Horta nia funsaun mak nudar Sekretariu ba Departamentu Relasaun Externa no informasaun FRETILIN nian.

“Ha’u nia misaun mak haruka informasaub ba li’ur, kuaze lor-loron ha’u ba rádiu Matebian, tanba uluk la iha e-mail, WhatsApp, transmisaun ba li’ur uza telegrama. Ha’u ba rádiu Markoni haruka mensajen ba governu no Nasoens Unidas. No ha’u konta sai jornal ida iha Austrália. Iha segundu ida nia laran Ramos Horta haruka 400 telegrama ba li’ur. Iha Nova Yorke mos to’o iha ne’eba, kuandu sira simu sira hatete, ami simu ita nia komunikasaun hotu-hotu no dada jornalista oi-oin, hahú hosi Bobonaru ha’u ba ho jornalista ida naran Louren Jonson, Brian Peters no jornalista seluk hosi Nova Zelandia, Austrália sira ba mai los”, dehan Horta.

Ho memoria importante ne’ebe akontese on iha tinan 45 liuba, Dr. Jose Ramos Horta hateten laiha ema ida bele fo kulpa ba problema actual, maibe governu atual tenke iha onestidade ba istoria, ba povu Indonéziu, povu Timor, povu Austrália, Nova Zelándia no povu Reinu Unidu, tanba nasaun tolu mak iha ne’e. Jornalista sira servisu kanál 7 kanal 9 Australianu, ne’ebé sira na’in rua Inglatera, na’in rua Australianu no na’in ida mak Nova Zelándia.

Ramos Horta hateten iha fulan Dezembru 1975 jornalista Roger East hosi Darwin-Australia ne’ebe Horta konvida mai Timor iha tempu ne’eba, hodi hahu serbisu hamutuk kria Ajensia Notisia Timor (East Timor News Agency).

Horta hatutan istoria katak Roger East hateten, “hau Lakohi sai hosi Timor, hau ba foho ho FRETILIN para halo hau nia obrigasaun”.

Print Friendly, PDF & Email

LEAVE A REPLY

Please enter your comment!
Please enter your name here