Inserteza lubuk ida ne’ebe nasaun sira iha Asia no Pasifika nian hasoru sai mos nudar opurtunidade atu harii futuru ida ne’ebe sustenavel liutan, Presidente ADB hato’o iha Sesaun Abertua, iha Enkontru Konsellu Governador nian, iha Milan, Italia, ohin (05/05).
“Soke external, todan hosi debe sira, no mudansa klimatika fo todan liutan ba ema nia moris no ekonomia iha rejiaun ne’e. Maibe ita laos hahu hosi zero. Kresimentu mantein solidu, komersiu, no integrasaun ekonomiku lao diak liutan, kadeia ba astesimentu diversifika hela, no konektividade dijital ho inovasaun aselera hela,” Presidente Kanda hatete iha ninia intervensaun abertura Enkontru Annual aba Dala-58 nian.
“Inserteza laos razaun hodi hakiduk. Ne’e bolu ida ba korazen, book-an lalais, no atu serbisu besik liutan ba malu,” Kanda hatutan.
Iha abertura ne’e mos hetan intervensaun hosi Minitru Ekonomia no Finansas Italia nian, Giancarlo Giorgetti ho Governador Banku Italia ne’ebe sai mos nudar Presidente Konsellu ADB nian.
“Hasae kolaborasaun sei suporta liutan kresimentu ekonomia ne’ebe sustentavel, bele hases hosi materiliazasaun riskus no mitiga konsequensia sira ne’ebe posivel,” Ministru Giancarlo hatete.
Intervensaun sira hotu rekoinese katak tensaun geopolitiku sai nudar preokupasaun ida ba Konsellui Governador nian. Governador Banku Italia nian hatete mos katak progresu diak lao hela dadaun iha Asia no Pasifiku.
“Iha Asia no Pasifiku, iha progreru signifikante tebes ba redusaun pobreza liu hosi partisipasaun iha komersiu internasional sira. Regio ne’e kontribui ona mais ou menus pursentu 60 ba kresimentu mundial iha tinan 2024,” Governador Fabio hato’o.
Iha enkontru annual tinan ida ne’e fokus area hat sai nudar sentru hori lori transformasaun ba mudansa iha Asia no Pasifiku. Dahuluk mak hatan ba vulnerabilidade hosi sistema ai-han nian, ADB sei hasae finansiamentu ba transformasaun sistema ai-han ba to’o Bilaun $40 to’o ba 2030. Daruak, ADB investe iha teknolojia dijital no halo koneksaun ba sistema enerjia no ba datolu nian fo mos komitmentu tau Bilaun $10 hodi suport ASEAN Power Grid. Dahat nian, ADB kontinua reafirma ninia komitmentu hodi suporta dezenvolvimentu setor privadu nian ho foli Bilaun $13.
Hafoin sesaun abertura, kontinua kedas ho Sesaun Enkontru entre Governador ADB nian. Governador ADB Timor-Leste Santina Jose Rodrigues Ferreira nudar mos Ministra Finansas, no mos Vice Governador Gastao Fransico de Sousa nudar mos Ministru Planeamentu no Investementu Estratejiku partisipa mos iha enkontru ne’e maibe la hato’o deklarasaun diretamente, maibe hatama deit deklarasaun ba Enkontru Konsellu Governador nian.
Jeralmente partisipante ba Enkontru Annual nian liu ema 5,000 inklui reprezentante hosi governo, setor privadu, sosiedade civil no academia.
