Home Notisia Covid-19, Ema Ho Difisiensia Saude Mental, Matan no Feto Difisiensia Vulneravel Liu

Covid-19, Ema Ho Difisiensia Saude Mental, Matan no Feto Difisiensia Vulneravel Liu

444
0
Maluk ho difisiensia sira. [Foto: copyright RHTO | 12.06.2020]

Reportazen Francisco JDA

Moras pandemia Covid-19 hamosu impaktu boot ba moris ema nian iha sosiadade, laos impaktu ba deit ba saude, maibe mos iha moris ekonomia. Situasaun ne’ebe halo ema vulneravel liu mak ema ho difisiensia sira. Relasiona ho situasaun ida ne’e, Neon Metin halo konfirmasaun ho Diretor Asosiasaun Difisensia Timor-Leste (ADTL) Cesario da Silva, liu hosi konferensia imprensa, grupu hosi ema ho difisiensia ne’ebe vulneravel iha durante Covid-19 mak se?

Ba Neon Metin Diretor ADTL hatan ema ho difisiensia saude mental no difisiensia matan, difisiensa tilun no feto difisiensia sira mak sai vulneravel liu.

“Ema ho difisiensia saude mental susar atu kontrola sira, laiha protesaun ne’ebe diak ba sira hosi governu, sira lao iha dalan-dalan, la uza maskra no sira la komprensa saida mak akontese dadauk iha mundu, inklui Timor. Sira lao konforme sira nia hakarak no sira sedauk hetan protesaun diak”, hateten Diretor ADTL liu hosi centru media FONGTIL, 12/06.

Cesario da Silva hatutan hosi maluk sira ne’ebe difisiensia matan, sira presiza ema seluk atu akompanha no depende ba ema. Virus Corona ne’e daet hosi ema ida, ba ema seluk, ema ne’ebe akompanha ema ho difisiensia matan, se nia la Pratik moris ijiene bele lori moras ba maluk difisiensia ne’e, ida ne’e be;e sai vulneravel liu.

Alende maluk sira ne’ebe difisiensia matan no saude mental, grupu ne’ebe vulneravel liu mak feto difisiensia.

“Feto ho difisensia sai vuneravel liu iha situasaun Covid-19,  ami akompanha inan-aman konsidera difisensia ne’e la bele halo buat ida, sira nia kuida ba feto ho difisensia ne’e tau tiha iha ultima prioridade, entre familia sira iha uma laran”, dehan Diretor Executivu ADTL Cesario da Silva Iha Salaun FONGTIL, Kaikoli 12/06.

Maske nune governu liu hosi Ministeriu Saúde, nafatin fahe  informasaun ba públika, atu kontinua kumpri regras estadu emergencia no utiliza maskra, maibé realidade hatudu iha terenu ba difisensia sira, la iha maskra no protesaun ba sira atu utiliza.

“Ekipamemtu prevensaun maskra sira maluk difisensia ultima prioridade no iha area rural dehan la iha maskra, baibain la iha maskra ba ema ho difisensia sira. Ami rasik mak lori maskra no nesesidade bázika, hodi apoio sira. Apela ba entidade apoio umanitarias sira, atu inklui grupu ema ho difisensia nune’e bele iha targetu,” tenik Diretor ADTL

LEAVE A REPLY

Please enter your comment!
Please enter your name here