Home Notisia Subsidiu $100, Feto Ho Difisiensia Balun La Bele Simu Maske Sira Iha...

Subsidiu $100, Feto Ho Difisiensia Balun La Bele Simu Maske Sira Iha Oan Tanba La Registu

1317
0
Diretor ADTL Cesario da Silva. [Foto: Francisco JDA | 12.06.2020]

Reportaze Francisco JDA

Subsidiu $100 ne’ebe governu fahe ba kada uma kain, tanba impaktu hosi estadu emerjensia, maibe iha situasaun maluk ho difisiensia sira, liu-liu feto difisiensia sira. Liu hosi konferensia imprensa iha salaun FONGTIL, Diretor ADTL, Cesario da Silva informa katak subsidiu ba família ka uma kain, ema ho difisensia balun la registu, maske difisensia feto iha oan, maibé la iha mane ne’ebé responsavel no balun mós hetan impede hosi autoridade lokal sira, atu labele ba registu, tanba ne’e responsabilidade hosi inan-aman ne’ebé difisensia hela ba.

Diretor ADTL hateten feto difisensia sira balun, hasoru injustisa maske sira iha oan maibe tanba sira la registu, ho nune’e sira mos la bele hetan sira nia direitu nudar sidadaun. Feto ho difisiensia moris nudar ema vulneravel, dalaruma sira presiza ema atu akompanha no presiza tulun hodi prosesa sira nia direitu, maibe sensibilidade ba situasaun ida ne’e sedauk lao diak.

Total ema ho difisiensia ne’ebe mak akumula hamutuk iha 38.118 iha teritoriu laran. Diretor ADTL rekonnese katak sedauk responde ka halo intervensaun to’o ba sira hotu no konsege deit halo intervensaun ba numeru kiik ho total 25% ne’ebe mak sai membru ADTL

LEAVE A REPLY

Please enter your comment!
Please enter your name here