Home Saude COVID-19, MS Sei Halo Screening Massal Iha Tempu Badak

COVID-19, MS Sei Halo Screening Massal Iha Tempu Badak

149
0
Iliustrasaun Screening COVID-19 Test. [Foto: copyright google | 16.01.2021]

Reportazen David da Costa Gusmao

Ministeriu Saude (MS) iha planu atu implementa swab no screening massal iha fatin publiku sira, ne’ebe sei halao hosi ekipa vijilansia ka saude ho objetivu atu detekta transmisaun COVID-19 iha komunidade iha ka lae?

Liu hosi konferensia imprensa Koordenador Jeral C-19 Odete da Silva Veigas hateten governo liu hosi Ministeriu Saude no Parlamentu Nasionál iha tempu badak sei halo screening massal ba iha publiku. Screening massal ida nee sei identifika fatin ida ne’ebe iha ema barak ka agrupasaun ba ema, fatin ne’ebe mak sei halao screening massal ida nee no iha tempu badak ekipa sei fo sai.

“Screening massal ita sei halo iha fatin buliku sira hanesan, Merkadu, eskola no loja sira, maibe fatin nee ami seidauk determina lolos, semana  oin ami sei idenfika no ami mos iha pilar 2 mos halo ona sosializasaun ba iha komunidade, atu bele mos partisipa iha serbisu ida ne’e no iha tempu badak imi mos sei hatene fatin sira nee, agora nee hau lansa deit informasaun”, dehan Odete ba jornalista sira bainhira halo komferensia imprensa iha palacio da Cinzas, 16/01.

Nia dehan objetivu atu hahu screening massal nee hahu husi Dili too iha Muncipiu, razaun halo ida ne’e mak atu detekta sedu virus corona ne’ebe mak transmisaun lokal.

“Municipiu sira hotu ita sei halao, inklu kapital ita sei halao sentinel survey lenses, maibe razaun seluk mos katak ita mos iha ona sidadaun sira ne’ebe mak tama ilegal ema nain ona ne’ebe tama mai posetivu ona, nain 2 tama husi mota ain no nain 2 tama husi batas Oe-Cusse nian, ho razaun sira ne’e mak Ministru Saude foti medida screening massal hodi teste ba ita nia komunidade,” esplika Odete Viegas.

Ministeru Saude  apela ba publiku katak nafatin fo fiar ba ministru saude, atu nunee bele serbisu hamutuk hodi bele combate COVID-19 iha Timor-Leste. Ba sidadaun sira ne’ebe hela iha fronteira hosi rai maran no tasi, atu nafatin koopera ho autoridade lokal, karik ema ruma ne’ebe tama illegal, bele keixa iha parte relevante sira, atu nunee Ministru Saude atu bele submete ba iha kuarentina.

LEAVE A REPLY

Please enter your comment!
Please enter your name here