Home Notisia Dr Sergio: Pasiente Covid-19 Iha Klinik Vera Cruz Halai Sai, Ne’e La...

Dr Sergio: Pasiente Covid-19 Iha Klinik Vera Cruz Halai Sai, Ne’e La Los, Nia Fila Ba Uma Ona Tan La Iha Ona Sintomas

1915
0
Portavoz CIJK, Dr. Sergio Lobo. [Foto: Francisco JDA | 10.04.2020]

Reportazen Francisco JDA

Relasiona ho informasaun ne’ebe espalha iha publiku konaba pasiente moras Corona ne’ebe mak halo tratamentu iha fatin izolamentu klinika Vera Cruz, katak halai sai hosi fatin refere iha kalan boot oras 23.00 kalan, loron 09/04.

Liu hosi konferensia imprensa, portavoz Centru Integradu Jestaun Krize, Dr. Sergio Lobo afirma katak informasaun ne’e la los.

“Hau hakarak informa ba pubiku dehan katak kazu positivu ida ne’ebe uluk halo tratamentu iha Vera Cruz, nia teste dala rua tutuir malu no rezultadu negativu, ne’ebe nia eligible ona atu fila ba uma, maibe ami fo hatene nia atu auto-kuarentena nafatin, minimu loron 14, alende nia tenke halo distansia sosial”, informa Dr. Sergio

Iha media sosial ema publika katak pasiente ne’e halai tiha ou nia maluk mai foti tiha, ida ne’e informasaun la loos.

“Hanesan hau dehan tiha ona kada ema iha izolamentu kuandu nia sintomas laiha tiha ona hanesan mear no inus metin laiha ona, ita tenke halo teste dala rua tan, no pasiente ne’e halo ona teste dala rua no rezultadu negativu”, esplika Dr. Sergio iha CCD

LEAVE A REPLY

Please enter your comment!
Please enter your name here