Home Uncategorized Dr. Nilton Husu Deskulpa Ba Publiku Konaba Pesoal Saude Sira Tur Halibur...

Dr. Nilton Husu Deskulpa Ba Publiku Konaba Pesoal Saude Sira Tur Halibur Malu

2967
0
Koordenador Pillar VII, Dr. Nilton do Carmo da Silva. [Foto: Francisco JDA | 30.03.2021]

Reportazen Zevonia Vieira

“Ita halo sala ida, buat ne’ebe diak halo durante ne’e baralla hotu. Pesoal saúde sira la halibur hamutuk ho pasiente sira, iha foto ne’e hatudu katak, depois de sira halo serbisu hotu, bainhira pasiente sira deskansa, sira tur iha tempu kalan, sira halibur malu entre pesoál saúde sira ne’ebe iha izolamentu, no entre sira deit, la involve ema seluk ka pasiente”. Dr. Nilton.

Relasiona ho imajem pesoal saude sira ne’ebe tur halibur malu iha sala isolamentu Tasi Tolu, ne’ebe sai viral iha Facebook, no hamosu komentariu oin-oin hosi sidadaun facebook sira, ne’ebe hahu hamenus fiar katak virus SARS-COV-2 la akontese iha Timor-Leste, tanba pesoal saude sira la kumpri regras

Iha visita jornalista frontline sira iha sala isolamentu Tasi Tolu, Koodernador Pillar VII, Dr. Nilton do Carmo da Silva klarifika kedas ba jornalista sira ho imajem ne’ebe ema espalla iha Facebook.

“Nudar Koordenador ba Pillar VII, hau lori ekipa nia naran husu ba deskulpa ba públiku, ba hahalok ne’ebe pesoál sira halo halibur malu horibainrua kalan, sira halibur hamutuk no han hamutuk no ema fo sai iha media social”, dehan Dr. Nilton, ba jornalista sira iha Tasi Tolu, 30/03.

Nia konfesa katak lolos  ne’e hahalok ne’e labele akontese no sai hosi ninian kontrolu, “hau promete katak ida ne’e sei la akontese, ba pesoál sira ne’ebe foti asaun no halo hahalok ida ne’e, hau koalia ona ho sira no husu ba sira, atu labele akontese tanba ita serbisu ekipa, ho situasaun COVID-19 ne’ebe akontese no ho situasaun polítika atu labele halo tan, no tahan sira nia an”.

Dr.Nilton mos tenik katak komprende didiak situasaun pesoal saude sira ne’ebe husik hela sira nia uma durante seman 2 -3 nia laran, sira labele fila ba uma. Dr Nilton dehan ida ne’e mak risku hosi pesoál saúde sira tenke foti.

“Ita halo sala ida, buat ne’ebe diak halo durante ne’e baralla hotu. Pesoal saúde sira la halibur hamutuk ho pasiente sira, iha foto ne’e hatudu katak, depois de sira halo serbisu hotu, bainhira pasiente sira deskansa, sira tur iha tempu kalan, sira halibur malu entre pesoál saúde sira ne’ebe iha izolamentu, no entre sira deit, la involve ema seluk ka pasiente”, dehan Dr. Nilton.

Dr. Nilton mos hatutan konaba pasiente pozitivu sira ne’ebe halibur malu iha fatin isolamentu, “entre pasiente pozitivu sira mak halibur malu la buat ida, tanba sira hatene malu. Tratamentu la hanesan mak ema sira hela iha kuarentena tanba sira ne’e sei suspeit katak sedauk deteta pozitiviu ka lae? Entaun sira labele halibur malu iha fatin kuarentena. Kuarentena ho sala isolamentu ba pasiente sira nia tratamentu la hanesan.

Print Friendly, PDF & Email

LEAVE A REPLY

Please enter your comment!
Please enter your name here