Home Notisia CIJK Haketak Ona Toilet Ba Feto ho Mane Iha Isolamentu Tasi Tolu,...

CIJK Haketak Ona Toilet Ba Feto ho Mane Iha Isolamentu Tasi Tolu, ZL: Ami Sente Seguru

252
0
Toilet iha isolamentu Tasi Tolu. [Foto: Francisco JDA | 30.03.2021]

Reportazen Zevonia Vieira

“Depois de akontesementu ema ida tenta hafuhu iha haris fatin, ekipa muda kedas haris fatin no sala ne’ebe hau hela ba, haris fatin iha laran kedas la dook hosi kuartu, no ami sente seguru liu”, Pasiente COVID-19 ZL

Depois de akontesementu iha sala isolamentu Tasi Tolu iha semana kotuk liuba, bainhira iha mane ida tenta hafuhu inan feto ho nia oan momentu iha haris fatin, Centro Integradu Jestaun Krize (CIJK) serbisu hamutuk ho ekipa vijilansia saude nian, hodi foti medidas hodi separa haris fatin (toilet) entre feto ho mane.

Bainhira jornalista frontline COVID-19 halo observasaun direita iha sala isolamentu Tasi Tolu, iha loron 30/03.

Neon Metin halo konfirmasaun ho Koordenador Pillar VII, Dr. Nilton do Carmo da Silva konaba mekanismu fahe haris fatin entre feto ho mane, nune’e feto sira bele snte seguru liu, ba Neon Metin Dr. Nilton relata katak depois de akontesimentu bainhira iha tentasaun hafuhu ema iha haris fatin, ekipa halo kedas asaun, iha building (uma) ida ne’ebe mak fahe ba rua, uma boot ne’e feto nian ketak no mane nia ketak.

“Depois de akontesimentu ami deside katak tenke separa katak mane nian ketak feto nian ketak”, deha Dr. Nilton ba Neon Metin.

Total kuartu iha sala isolamentu Tasi Tolu hamutuk 150 ho haris fatin moldenu 4 no kada haris fatin fahe bas ala 4 no agora dadauk sei harii haris fatin foun ida no iha prosesu nia laran no kada kuartu iha fasilidade hanesan kama, kulsaun kadera no meja.

Dr. Nilton inform aba jornalista sira katak ema ne’ebe hela iha sala izolamentu Tasi Tolu, pasiente hamutuk 150 inklui sira nia familia.

Tanba sa mak dpasiente balun ho nia familia? “tanba labarik kiik oan balun mai ho nia inan aman. Balun inan mak pozitivu, oan tenke mai ho nia inan entaun númeru ne’e mak sai boot no okupa tiha fatin ne’e.  Konaba médiku ita uza médiku nain ida no infermeiro nain 5”.

Iha parte hanesan Neon Metin dadalia ho pasiente COVID-19 ho inisial ZL, ne’ebe hela ona ona sala isolamentu durante loron 15, tanba konfirmadu COVID-19, ba Neon Metin nia konfesa katak, fatin isolaementu ne’e diak, no hetan tratamentu diak hosi pesoal saude sira.

“Depois de akontesementu ema ida tenta hafuhu iha haris fatin, ekipa muda kedas haris fatin no sala ne’ebe hau hela ba, haris fatin iha laran kedas la dook hosi kuartu, no ami sente seguru liu”, tenik ZL ba Neon Metin iha sala isolamentu.

Tuir observasaun Neon Metin iha sala isolament Tasi Tolu, parte mediku sira kontinua desinfeta fatin sira kada loron no esteriliza fatin sira ne’e, hodi hamate virus sira atu la hamosu risku ba ekipa frontline sira ne’ebe halo movimentu iha fatin refere, inklui jornalista sira.

Observasaun seluk ne’ebe Neon Metin hetan katak pasiente sira iha ne’eba kontinua uza maskra no idak-idak hakmatek iha sira nia fatin, bainhira jornalista sira dadalia ho sira, ho laran kontente sira responde perguntas ne’ebe jornalista husu.

Print Friendly, PDF & Email

LEAVE A REPLY

Please enter your comment!
Please enter your name here