Reportajen Silvino Freitas
Osan falsu neebe Diresaun Servisu Investigasaun Kriminal husi Polisia Nasional Timor Leste (PNTL) halo aprensaun iha Bidau iha versaun rua neebe taka ho segredu justisa, nunee aprensaun neebe polisia halo tanba iha ona indisius krime rua maka importasaun osan falsu no tranzaksaun uza osan falsu iha ona loja balun.
Diretor DSIK Suprentidente Xefe Joao Belo dos Reis dehan, depois ekipa DSIK hamutuk ho ekipa husi ministeriu publiku halo kontajen too kalan 10 oras remata kontajen ba osan falsu neebe sira halo aprensaun iha Bidau osan faslu nee hamutuk $4,613.400 no dadaun nee halo hela prosesu ba ministeriu publiku, nunee husi operasaun neebe polisia halo tanba antes nee krime tranzakasaun osan falsu lao tiha ona iha komunidade, maski osan nee osan kopia maibe hodi uza atividade kultura nian maibe iha ona legalidade sira maka importasaun no iha ona tranzaksaun iha loja balun uza osan refere nunee sira halo operasaun tracking ba suspeitu ikus mai hetan nia paradeiru.
“labele destingi dehan nee osan falsu osan loos ita nia komunidade iha foho neeba inan feton sira aman inan sira iha foho neeba kuandu osan nee sirkula perigu boot ba ita nia inan aman sira iha foho neeba, akontese ona iha tribunal dili tuan nia oin no iha mos tasitolu, labele dehan osan nee hakerek kopi ona buat lao diak iha ona krime tanba nee mak ita halo operasaun” dehan Diretor DSIK Suprentidente Xefe Joao Belo dos Reis lihusi konferensia imprensa iha kuartel jeral PNTL Kaikoli, (16/04).
Joao Belo dehan tan, osan neebe sira halo aprensaun iha versaun rua mak ida hakerek kopia no ida la hakerek kopia maibe nee parte husi segredu justisa maibe tanba asaun krime nee iha tiha ona nee hatudu ona katak krime, nunee iha sidadaun Xineza sira neebe halo deklarasaun DSIK halo ona identifikasaun no husu ona sira nia konesimentu halo deklarasaun iha media social no halo ona prosesu ketak ba sidadaun Xineza refere husi publikasaun nebe nia halo iha media social no halo mos detensaun on aba pesoal balun neebe identifika ba kazu refere.
“osan falsu sira neebe sira neebe aprensaun ho karreta ida sai hanesan evidensia sei aprejenta hotu ba ministeriu publiku, iha Amerika rasik operasaun ba osan sira hanesan nee makaas hela tanba nee kriminaliza ba osan falsu laos iha nee deit iha Amerika rasik kopi nee sira hakerek momos hela maibe operasaun nee lao nafatin hodi kriminaliza iha nee mos tenke kriminaliza” dehan Diretor DSIK Suprentidente Xefe Joao Belo dos Reis.
