Home Uncategorized CIJK Husu Populasaun Kontinua Kumpri Misaun Labele Husik Virus Tama Iha Ita...

CIJK Husu Populasaun Kontinua Kumpri Misaun Labele Husik Virus Tama Iha Ita nia Isin

199
0
Ilustrasaun ba imunidade kontra virus Corona. [Foto: Copyright Pinter Resep | 13.04.2020]

Reportazen Francisco JDA

Relasiona ho moras surtu Covid-19 ne’ebe mak daet ona iha Timor-Leste no konsege implementa Estadu Emerjensia [EE], hodi halo medidas preventivas ba sidadaun hotu. Liu hosi konferensia imprensa Centu Integradu Jestaun Krize [CIJK] hatoo agredese wain ba populasaun iha Timor-Leste nia laran tomak, tamba komportamentu ne’ebé ezemplar durante periudu dahuluk Estadu Emerjénsia, husi loron 28 Marsu to’o loron 27 Abril tinan 2020.

“Ho ita bo’ot sira hotu ninia kolaborasaun, Timor-Leste konsege halo serku metin, ba virus SARS-CoV-2 ne’ebé provoka moras COVID 19 no limita virus ne’e da’et deit iha grupu ka klaster 7, ne’ebé to’o agora ita sei bele kontrola”, hateten portavoz CIJK, Dr. Rui Araujo iha CCD,29/04.

CIJK mos kontinua konvida populasaun Timor-Leste tomak atu ida-idak assume ninia missaun iha kombate ba COVID 19, durante fulan hirak tuir mai, liu husi kumpri ida-idak ninia misaun katak labele husik virus tama iha ita nia isin, Se karik tama ona, labele husik virus ne’e da’et tutan ba ema seluk, liu-liu ba ema ferik, katuas no labarik sira no ema ne’ebé iha moras króniku ruma.

Oinsa bele kumpri misaun ida ne’e? Dr.Rui Araujo hateten ema hotu hatene ona katak tu’ur hakmatek iha um,  lalika sai arbiru ka halibur-malu beibeik, fase liman bebeik ho sabaun, labele kose liman ba matan, inus ho ibun, uza máskara wainhira sai husi uma.

“Wainhira mear, inus-ben ka fani, uza mascara ka uza ita nia sikun hodi tahan netik kaben-tasak labele katik sai ba monu iha rai ka iha fatin-seluk. Iha uma lalika hakuak, rei ka bensa ferik, katuas, labarik no ema ne’ebé iha moras króniku. Ida ne’e maka misaun no asaun sidadaun ida-idak nian, mai ita hamutuk implementa ida ne’e”, deklara Dr. Rui Araujo.

LEAVE A REPLY

Please enter your comment!
Please enter your name here