Reportazen Francisco JDA
Centru Integradu Jestaun Krize [CIJ], hato’o informasaun konaba moras surtu Covid-19 ba loron 29 Abril nina, liu hosi konferensia imprensa portavoz CIJK, Dr. Rui Araujo informa ba jornalista sira katak total kumulativu kazu konfirmadu hamutuk 24 katak laiha mudansa, kazu konfirmadu positivu foun laiha, total kazu rekuperadu nafatin 6 [nain 2 kazu konfirmadu no nain 4 kazu provavel]. Total kazu konfirmadu ne’ebe sei iha izolamentu iha Vera Cruz iha nain 22.
Ba Total kumulativu exame laboratóriu iha 629 kompara ho horiseik iha 597. Total kumulativu hein rezultadu laboratoriu iha nain 215 horseik iha horiseik iha 206. Total kumulativu resultadu laboratóriu negativu sae ba 390 kompara ho horseik iha 367.
Total ema iha kuarentena ka konfinamentu obrigatóriu hamutuk 436, auto-kuarentea iha municipiu iha 38 no iha Dili nain 8. Ba ema sira ne’ebe iha fasilidade governu iha Dili hamutk 324 no nain 66 iha municipio. Total ema ne’ebé liu ona periudo kuarentena ka konfinamentu obrigatóriu hamutuk 1712, iha municipiu ema nain 350 iha munisipius no iha Dili hamutuk 1362.
