Home Notisia Jose Reis: FRETILIN Husu Povu Labele Monu Ba Lia Falsu, Mari Alkatiri...

Jose Reis: FRETILIN Husu Povu Labele Monu Ba Lia Falsu, Mari Alkatiri Hasoru Xanana Ne’e La Los

1084
0
Vice Sekretariu Jeral Partidu FRETILIN, Jose Reis. [Foto: TAFARA.TL | 29.04.2020]

Reportazen Zevonia Vieira

Partidu FRETILIN hasai komunikasu imprensa hodi informa publik atu labele monu.

Labele monu ba lia falsu ne’ebé buka atu hari deit deskonfiansa no mantein impase polítiku. Vice Sekretariu Jeral Partidu FRETILIN, Jose Reis, hatete iha komunikadu imprensa katak informasaun kona ba hasoru malu entre Sekretariu Jeral Partidu FRETILIN, Dr Mari Alkatiri ho Presidente CNRT, Xanana Gusmao ne’e falsu.

Ha’u hakarak informa ba públiku tomak katak informasaun kona ba Sr Xanana no Kamarada Sekretariu Jeral Mari Alkatiri atu hasoru malu ne´e falsu, tamba to’o ohin loron seidauk iha komunikasaun ka aprosimasaun ruma mai FRETILIN husi Xanana atu hasoru malu ho Sekretariu Jeral FRETILIN,” Jose Reis informa liu hosi komunikadu imprensa, ohin 29/04.

Adjunto Sekretariu Jeral ne’e mos husu ba kuadru, militante no simpatizanti FRETILIN sira hotu no husu ba públiku tomak atu labele monu ba lia falsu sira ne’ebé ema balun fo’o sai.

“Informasaun falsu sira ne’e bele mai ho intensaun atu hamosu deskonfiansa no atu koko estraga servisu tomak ne’ebé líder sira hala’o dadauk atu buka estabilidadi governativa no hakotu impase politiku iha rai laran,” adjuntu José Reis esplika.

“Aban bainrua, iha tempu badak ka naruk, se iha duni enkontru ruma, FRETILIN rasik mak sei informa ba públiku tomak,” Sekretariu Jeral Adjuntu José Reis konklui.

LEAVE A REPLY

Please enter your comment!
Please enter your name here