Home Notisia FDA-TL Realiza Festival Desportu Akadémiku, Hodi Halo Selesaun Kompete Iha Asian-Games

FDA-TL Realiza Festival Desportu Akadémiku, Hodi Halo Selesaun Kompete Iha Asian-Games

274
0
Festival desportu akademiku iha SEJD. [Foto: Santy | 19.11.2021]

Reportajen Silvino Freitas

Federasaun Desportivu Akademika Timor Leste (FDA-TL) realiza festivál Desportu Akademiku, hodi halo selesaun ba atleta, ba preparasaun kompete iha  Asian-Games.

Prezidente Federasaun Desportivu Akadémika Timor-Leste  (FDA-TL), Jeferino Viegas Tilman hatete, FDA-TL hanesan federasaun foun tanba foin estabelese iha 2014, maibe federasaun ne’e realiza ona atividade desportu barak tebes iha nivel nasionál no nivel internasionál.

“Atividade iha rai-laran mak hanaran FESDATIL, ba daudaun ne’e FESDATIL realiza ona ba dala-lima, hahu husi 2015, 2016, 2017 iha 2018 maibe ho nivel ki’ik no ho ida ne’e mak ba dala lima ho nivel ne’ebé mak boot uituan tamba hetan apoiu husi SEJD”, dehan Prezidente FDA-TL iha serimonia abertura iha SEJD Lesidere, Kinta 18/11.

Nia hatutan iha nivel internasionál FDA-TL sei  partisipa iha Asean University Games, halo selesaun ba atleta sira, selesaun ne’e liu husi FESDATIL atu nuné atleta sira bele hetan selesaun husi komisaun antes ba tuir eventu internasional sira, ba modalidade hotu.

“Hakarak louva servisu hamutuk ba federasaun lima inklui halo selesaun ba mellor atleta, hodi bele reprezenta atleta universitariu sira iha eventu Asian-games ne’ebé mak sei realiza iha tinan oin iha Tailandia”, nia hatutan.

Iha fatin hanesan Vise-Presidente Konfederasaun Desportiva Timor Leste(CDTL), Inocensio de Araújo apresia atividade refere maski ho situasaun difisil pandemia COVID-19 kuaze tinan rua, maibé ita bele halao atividade ho apoiu husi SEJD.

“Desportu akademiku komesa sae ba dadauk iha tinan kotuk ho modalidade tolu, maske iha situasaun difisil maibe aumento tan modalidade lima, ita espera katak iha tinan oin bele aumenta tan ida liu-liu FESTIL (Federasaun Silat Timor Leste)”, dehan Vise-Prezidente CDTL.

Entretantu partisipa iha eventu ne’e mak instituisaun no universitáriu públiku no privada hamutuk 16 mak hanesan UNTL, UNDIL, UNITAL, IOB, UNPAZ, JSU, DIT, ETCI, IPDC, ISC, ICS, IPB-BETANU, ICR, IFSS, ISDB no ISFT.

 Instituto no universidade hirak ne’ebé sei kompete ba modalidade 5 no kategoria 17 futeból mane, voleiból mane no feto, taekwondo feto ba kilograma 45, 49 no 53 ba kategoria mane kilograma 54, 58 no 63, modalidade XADREZ feto no mane, atletizmo feto ba metru 800, 1500 no 5000 ba mane 800, 1800 no 5000.

Kompetisaun ne’e sei realiza iha fatin tolu diferente ho durasaun semana ida, orsamento ba atividade ne’e hetan apoiu husi Sekretariu Estadu Juventude no Desportu (SEJD) ho montante $31.000.

Print Friendly, PDF & Email

LEAVE A REPLY

Please enter your comment!
Please enter your name here