Home Notisia Lere: Sei Hasai Membru Husi Forsa Bainhira La Uza Patrimonio Estadu Ho...

Lere: Sei Hasai Membru Husi Forsa Bainhira La Uza Patrimonio Estadu Ho Kuidadu

1038
0
Xefe Estadu Maiór Jenerál F-FDTL, Tenente Jenerál, Lere Anan Timur (Foto: Santina LDC)

Reportajen Santina Lucia da Costa

Relasiona ho situasaun ikus-ukus ne’e, kareta F-FDTL baku fila, inklui asidente foin lalais iha Becora, Domingo, 3/10/2021, porvolta tuku 12:00 kalan, ne’ebé membru F-FDTL ida lori kareta F-FDTL nian soké lixeira to’o kondisaun kareta gravé, Xefe Estadu Maiór Jenerál Falintil-Forsas Defeza Timor-Leste (F-FDTL), Tenente Jenerál, Lere Anan Timur, hateten, uza sasan patrimonio Estadu la ho kuidadu sei hasai membru ne’e husi Forsa.

Hafoin hasoru malu ho Prezidente Republika, Dr. Francisco Guterres Lu-Olo, Xefe Estadu Maiór Jenerál Falintil-Forsas Defeza Timor-Leste (F-FDTL), Tenente Jenerál, Lere Anan Timur, afirma, Prosesu kona-ba dezastre kareta F-FDTL ne’e, prosesu la’o, ema ne’ebé ho Ignoransia, neglijensia, tan nia beik halo estadu nia sasan aat, konsidera ne’e krime.

“Prosesu kona-ba dezastre kareta sira ne’e, prosesu la’o, hau dehan, ema ne’ebé ho ignoransia,  neglijensia, tan nia beik halo estadu nia sasan aat,  ne’e hau nu’udar komandante konsidera ne’e krime, ne’e la’os indisiplina, krime, no prosesu kriminal ba nia, hau bele dehan, ema ne’ebé estraga estadu nia sasan bele sai.” Hateten, Tenente Jenerál, Lere Anan Timur,  iha Palasiu Prezidensial, Nicolau Lobato, Bairu-Pite, 6/10.

Tenente Jenerál, Lere Anan Timur, dehan, Tanba de’it o lanu, tanba de’it hahalok aat o estraga kareta ida ne’ebé ké folin $ 30.000 to’o $ 40.000, ida ne’e ita tolera de’it labele. Prosesu investigasaun la’o hela no ita seidauk iha desizaun. Agora prosesu sei lao, tantu asidente iha Ainaro, Likisa no Becora.

Print Friendly, PDF & Email

LEAVE A REPLY

Please enter your comment!
Please enter your name here