Home Notisia Diplomata Timor Ida Iha Rai Liur Infetadu Covid-19, Jorge: Komesa Rekopera no...

Diplomata Timor Ida Iha Rai Liur Infetadu Covid-19, Jorge: Komesa Rekopera no Progresu Positivu

551
0
Diretor Jeral Ministeriu Negosiu Estranjeiru no Kooperasaun [MNEK], Jorge Camoes. [Foto: Francisco JDA | 31.03.2020]

Reportazen Francisco JDA

Virus Corona sai ameasadu iha mundu global, numeru ema mate tanba virus ne’e kada loron sempre sae. Situasaun ne’e mos Timor enfrenta dadauk, no ohin loron Timor iha estadu emerjensia nia laran.

Relasiona ho informasaun ne’ebe mak sai diskusaun publiku iha sosial media konaba diplomata balun ne’ebe mak positivu moras virus Corona, ba jornalista sira Diretor Jeral Ministeriu Negosiu Estranjeiru no Kooperasaun [MNEK], Jorge Camoes hateten lalika preokupa no fo fiar bai ha dotor sira ne’ebe ta matan hela no iha tempu badak sei rekopera fila fali.

“Nia rekopera ona hala’o servisu iha ne’ebá, seidauk iha planu atu lori maluk moras ne’e mai fali iha Timor, progresu positivu la’o diak hela, ha’u dehan de’it Diplomata Timor oan iha liur infetadu positivu, maibé nia progresu positivu hein de’it tempu la kleur bele rekopera fila fali, bele halao nia funsaun hanesan bainbain”, tenik Diretor Geral MNEC Jaorge Camoens iha CCD, 31/03

Jorge Camoes reforsa liu tan, diplomata ne’ebé hala’o misaun iha rai liur, kontinua halo hela kontakta regular atu aktualiza MNEC nian serbisu.

Tips hosi redasaun Neon Metin konaba oisan prevene-an hosi covid-19:

  1. Fase liman bebeik ho sabaun
  2. habain-an iha oron manas tanba ultra violet bele hamate bateria ka virus iha oras 1 nia laran
  3. konsume no hemu bee barak hodi bele hamoos virus ka bateria iha ibun laran
  4. deskansa barak hodi nune’e nafatin iha enerjia no dook hosi moras
  5. se sente isin manas, mear no inus been tenke deskansa iha uma no ses-an hosi ema barak no kontaktu klinika saude

LEAVE A REPLY

Please enter your comment!
Please enter your name here