Home Notisia SEFOPE: Trabalhador Sira Iha Australia Sei Fila Hikas Mai Timor no Sei...

SEFOPE: Trabalhador Sira Iha Australia Sei Fila Hikas Mai Timor no Sei Kuarentena Durante Loron 14

1096
0
Diretor Jeral SEFOPE, Paul Alves. [Foto: Francisco JDA | 31.03.2020]

Reportazen Francisco JDA

Relasiona ho Covid-19 ne’ebe sei nafatin proekupasaun global, liu hosi konferensia imprensa, Secretario Estadu Formasaun Profesional e Empregu [SEFOPE] husu ba trabalhador timoroan sira iha Australia iha Sessional Workers Program [SWP] ho total 1,130 no Pacific Labour Scheme [SWP] hamutuk 71, atu labele paniku no rona orientasaun hosi emrepsariu no kontinua halo serbisu hanesan babain.

Diretor Jeral SEFOPE, Paul Alves ba jornalista sira husu ba trabalhador sira atu iha disiplina no etika serbisu, labele insulta maluk sira hosi nasaun seluk, mantein disiplina nune kontinua hetan oportunidade serbisu ba iha future, “programa PLS no SWP labele taka dalan ba imi nia an rasik, karik imi halo hahalok ne’ebé mak la merese”,  tenik Diretor Paul Alves iha Salaun SEFOPE, Kaikoli, 31/03

Diretor SEFOPE hatutan governu Timor-Leste no Australia serbisu hamutuk, hodi trata asumtu hotu oinsa bele iha solusaun ne’ebe mak merese ba trabalhador hotu iha Australia.

“Ekipa ba apoio iha Austrália loron-loron ho empregador sira hotu apoia no buka tuir viajen hotu ne’ebé trabalhador TL nian halo, SEFOPE no Diresaun Nasionál Empregu Externu (DNEE) ekipa ba apoio ida iha Austrália ne’ebé serbisu hamutuk ho empregador sira trabalahador no embaixada, konsuladu TL nian hodi suporta trabalhador sira”,  tenik Diretor Geral Paul Alves

Trabalhador sira ne’ebe sei fila hosi Austalia mai Timor, sei hetan apoiu hosi sira nia empregador, no ekipa SEFOPE iha Australia no ekipa konsuladu TL sei fila mai Dili liu  no bainhira to’o iha Dili, Ministeriu Saude [MS] sei lori ba fatin kuarentena durante loron 14.

Tips hosi redasaun Neon Metin oinsa atu prevene an hosi covid-19:

  1. Fase liman bebeik ho sabaun
  2. hatoman-an habai-an iha loron manas tanba ultra violet bele hamate virus ou bateria iha oras 1 nia laran
  3. konsume no hemu bee bebeik hodi bele hamoos virus ka bateria iha ibun laran
  4. deskansa barak hodi aumenta enerja ho nune dook hosi moras
  5. se sente isin manas, mear no inus been tenke deskansa iha uma no ses-an hosi ema barak no bele kontaktu klinika saude sira ne’ebe besik

LEAVE A REPLY

Please enter your comment!
Please enter your name here