Reportajen Silvino Freitas
Despezu administrativu neebe halo iha loron 12 fulan Maiu dadersaan husi Diresaun Nasional Teras Proriedade (DNTP) iha aldeia Postu Penal Aimutin, suku Komoro harahun ona uma kain 52 maibe iha loron tuir mai 13 de Maio komunidade hamutuk ho sira nia Defensor, inklui Diretor Jeral Teras Propriedade, halo enkontru ho Ministru Justisa, Sergio Hornai husu atu hapara emediata despezu refere, tanba desizaun husi Tribunal absorve ona, katak rai refere afavor ba komunidade laos kompana Lita Store nian, nunee konsidera despezu refere la tuir desizaun Tribunal no illegal.
Defensor Publiku ba kumunidade, Manuel Sarmento dehan, desizaun husi Miniteriu Justisa ho oralmente atu hapara despezu administrativu ba uma kain 52 hodi resolve tanba desizaun husi tribunal katak rai refere rai privadu komunidade sira nian maibe iha aplikasaun hamosu fali despezu obrigatoriu ba komunidade, nunee mos desizaun husi tribunal nian tranzitadu em julgadu ka remata ona iha tribunal nunee desizaun husi tribunal nian hasai ona katak komunidade mak nain ba rai refere laos kompana lita store neebe lori kazu disputa ba tribunal maibe husi parte diresaun nasional teras propriedade katak rai privadu.
“orseik hau diretor jeral teras no vitima sira ami enkontru ho ministru nia dehan para, bazeia ba desizaun tribunal desidi oin seluk agora aplika nee oin seluk ida ne’e mak problema ida mak tuur lai resolve oinsa” dehan Defensor Manuel Sarmento iha fatin despezu aldeia postu penal aimutin, (14/05).
Nia dehan tan, desizaun husi tribunal fo sai katak rai refere rai privadu ho dokumentu neebe kompletu rai neebe iha konflitu nee mak 2500 metru kuadradu maibe husi aplikasaun despezu nee ultrapasa fila fali desizaun tribunal neebe fo sai ona, tuir orden neebe fo ba komunidade atu hamamuk fatin mos laiha notifikasaun ruma, iha enkontru ho komunidade maibe laiha solusaun tanba desizaun tribunal oin seluk no desizaun despezu nee oin seluk, tanba fatin refere atu hasai komunidade atu entrega fila fali ba se, neebe diferente ho evikasaun neebe halo obrigatoriu hodi halo alargamentu estrada.
“maibe kazu ida nee atu duni sai tiha atu entrega fali ba lita store entaun lita store direitu hanesan ema sira nee oinsa, orseik diretor jeral deklara perante iha ministru justisa nia oin hasai nee para atu entrega fali ba lita store” dehan Defensor Manuel Sarmento.
Nia salient tan, hafoin desizaun neebe sai ona maka ba oin parte defensor publiku sei hatoo keixa ba iha prokurador atu haree ba danus, abuzu poder no destorsaun ka kapturasaun illegal baku sidadaun sira hodi lori ba kadeia tanba nee nia sei halo identifikasaun didiak atu bele aprezenta ba justisa, tanba desizaun nee afavor ba komunidade sira nunee nunee haree ba estragus sira hotu hodi indiminijasaun hodi bele selu tanba iha uma kain neebe barak.
