Home Analisa Vasinasaun Covid – 19 obrigatóriu: Medida hodi Salva Bens Jurídica ho Valor...

Vasinasaun Covid – 19 obrigatóriu: Medida hodi Salva Bens Jurídica ho Valor Konstitusionál Aas-liu

689
0
Zenilton Zeneves Licenciado em Direito Geral UNTL. [Foto: Dok. privadu | 04.05.2021]

Hakerek nain Zenilton Zeneves

Hafoin covid 19 sa’e maka’as no ema komesa mate iha Timor-Leste iha inisiu 2021, Governo deside hodi halo planu vasinasaun ba populasaun sira, nune’e bele hakutu lalais siklu tranzmisaun covid-19 ne’e. Haree ba dadus tranzmisaun Covid-19 Governo liu-husi CIGC deklara ona katak Timor-Leste tama ona ba iha tranzmisaun komunitária. Progresu ka númeru tranzmisaun loron ba loron kontinua sa’e tuir dadus CIGC ne’ebé haktuir iha komunikadu iha loron 2 fulan maiu 2021 hatudu katak média (rata-rata) ba ohin loron husi insidénsia Covid-19 iha Timor-Leste durante loron 7 ikus maka 5,9/100 mil abitante, enkuantu ba deit Munisípiu Díli ohin loron nian 19,7/100 mil abitante.

Kondisaun ida-ne’e halo Governo la iha opsaun seluk além de medida Covid-19 ne’ebé implementa ona durante ne’e tuir rekomendasaun OMS nian. Nune’e iha loron 15 feveireiru 2021 aprova ona  “projeto de Resolução do Governo referente ao plano nacional de vacinação contra a COVID-19”. Prinsipiu vasinasaun ida ne’e mak prinsipiu universalidade, gratuitidade, asesibilidade  no ekuidade. Maske-nune’e, vasinasaun ida-ne’e la’ós vasinasaun obrigatória maibé ho ninia administrasaun ne’ebé “recomendada” no “encorajada”.

Ho nune, Timor-Leste ne’ebé membro ba COVAX iha kontestu pandemia ida-ne’e, bele asesu ba vasina AstraZeneca. Tuir sistema COVAX, Timor-Leste iha lote dahuluk sei simu rihun 24 vasina AstraZeneca ne’ebé inklui pakote ida-nebe sei abranje 20% populasaun tuir mekanizmu COVAX. Tuir planu, Governo sei tau hamutuk esforsu hotu hotu hodi hetan restante 80%, ho nune bele kumpri objetivu fó imunizasaun ba populasaun tomak iha tinan 2021 nia rohan.

Maske-nune’e, pergunta mak “metodologia de não obrigatoriedade de vacinação” ne’ebe uza bele salva saúde publiko iha kontestu polítika Timor-Leste, dezinformasaun no fobia irasionál sira kalae. Relativa ho metodologia ida ne’e komesa iha diskursu foun hodi intruduz vasina obrigatório por exemplo tuir graça Freitas DGS Portugal hateten “se a vacina for de facto muitíssimo eficaz e o valor acrescentado para a saúde pública for muito grande, pode ser considerada uma metodologia de obrigatoriedade de vacinação“. Iha sorin seluk OMS liu-husi Reuters mos rekomenda katak vasina obrigatório hanesan opsaun ida hodi salva ema nia vida. Sera que juridicamente Timor-Leste bele aplika programa vasinasaun obrigatoriu ou kontinua fakultativu?

Haree dados ne’ebé CIGC fó sai liu-husi nia komunikadu iha loron 2 fulan Maiu hatudu katak kazu tranzmisaun COVID-19 iha Timor-Leste klasifika ona ba tranzmisaun komunitáriu tuir padraun OMS nian. Iha sorin seluk, ita kolia kona-ba efekasia husi vasina sira ne’ebé ita uza ou atu uza hodi halo vasinasaun ba ita nia populasaun. Sientifikamente tuir dadus New York time, vaccine ‘tracker’ vasina hirak ne’ebé mak aprova ona mak vasina hamutuk 6 mak hanesan Sputnik V, Sinopharm-Pequim, moderna, Pfizer-BioNTech, AstraZenaca,  no Coronavac.

Husi vasina hirak iha leten Timor-Leste ne’ebé hanesan membru COVAX iha nia priméiru planu vasina ne’ebé hetan rekemendasaun husi OMS maka AstraZeneca, uza hodi halo vasina ba populasaun. Mesmo vasina AstraZeneca sei sai hanesan polemika tamba nia efeitu koleteral hanesan “coágulos sanguínea” no seluk tan. Efeitu koleterál ida-ne’e konsege halo nasaun balu lakohi uza maibé balu hakarak uza, balu uza tiha lakohi uza depois uza fila-fali.

Relativa ho kestaun ne’e, tuir “Agência Europeia de Medicamentos (EMA) concluiu que os coágulos sanguíneos sofridos por pessoas vacinadas com o imunizante contra a covid-19 da AstraZeneca devem ser considerados um efeito colateral “muito raro” do medicamento”. Iha sorin seluk, diretora OMS Mariângela Simão hateten katak: “não há motivos para preocupação no uso da vacina da AstraZeneca/Oxford depois do relato de casos excepcionais de coágulos sanguíneos em pessoas que foram imunizadas”. Nia mós reforsa-tan katak ema ne’ebé mate tamba covid boot-liu kompara ho risku atu hetan efeitu koleterál husi vasina nebe “muito raro”.

Maske iha polemika hirak ne’e maibé tuir New York Time, Vaccine Tracker hateten katak farmaseutika 6 nebe halo teste ba vacina covid iha mundo konklui katak eficácia husi AstraZenaca nia mak 62%/90%. Maske nune nia hanesan vasina ida ho nia efikasia kiik-liu kompara ho vasina sira seluk hanesan Sputnik V 91,4%, Sinopharm-Pequim 86%, moderna 94,5%, Pfizer-BioNTech 95,5%, Coronavac superior  50%. Maibe sientifikamente médiku sira bele garante katak efikasia husi vasina hirak ne’e seguru ba ema maioria nia saúde.

Maske-nune’e, informasaun falsu sira kontinua la’o nu’udar propaganda ba efikasia husi vasina hirak ne’e, espesialmente vasina AstraZeneca. Kondisaun hirak ne’e halo ema duvida atu simu vasina ne’ebé Governo programa. Kondisaun  ne’e mós kontinua fó ameasa ba saúde publika bainhira ema lakohi tuir vasina. Nune’e, Governo tenke hanoin fila-fali sera que adopta programa vasina fakultativa bele kontribui ba saúde publika..? ou governo tenke hanoin katak tenke aplika programa vasinasaun obrigatoriu.? Sera que aplika programa vasinasaun obrigatoriu juridikamente bele implementa..?  

Atu responde ba hipotesa hirak iha leten, iha kontestu ida ne’e, ita koalia kona-ba direitos fundamentais hanesan bem jurídica ida no interese Estadu atu proteje bem comum hanesan saúde publika iha sorin seluk. Ko’alia kona-ba bem jurídica hirak ne’e iha kontesto pandemia defisil tebes atu hetan armonia interese husi bem jurídica hirak ne’e. Ho kondisaun ida ne’e sempre akontese choque entre direitos fundamentais nebe colida ho nesesidade prezervasaun ba bem coletivo ida ou interesse Estadu nian hanesan saúde públika.  

Maske-nune’e, tamba direitu fundamentál hanesan direitu sira ne’ebé heterógeneos, direitu ida-ne’e dalabarak nakloke no veriavel relasiona ho kazu konkretu ne’ebé iha relasaun ho bem valor konstitusionál sira seluk. Tamba ne’e,  la iha direitu fundamentál ne’ebé absoluto bainhira choque ho bem jurídica sira seluk ho valor konstitusionál. Ho nune’e estado bele halo restrisaun ba direito fundamentais sira seluk hodi halo protesaun ba bem jurídica nebe ho valor konstitusional boot liu. Iha konstituisaun timorense saúde públika hanesan bem jurídica ne’ebé hetan valor konstitusionál boot-liu. Tamba-ne’e Estadu iha dever atu halo protesaun ba bem comum ida-ne’e hanesan haktuir iha artigo 57.° CRDTL.

Maske-nune’e, iha diferencia opinaun balu iha debate kona ba aplikasaun vasina obrigatoriu nebe ita bele uza hanesan referensia jurídica no medisina. Por exemplo iha Portugal: tuir André Dias Pereira  diretor do centro de Direito Biomédico da Universidade de Coimbra e especialista iha área de Direito da Saúde hateten katakse de um lado da balança está a proteção da saúde pública, do outro lado está o direito à liberdade e à integridade física, também consagrados na Constituição. A toma de qualquer medicamento necessita, à luz do Direito da Saúde, do consentimento do paciente,… tuir nia katak o cidadão pode recusar – à exceção dos casos de saúde mental, “quando se está a pôr em perigo bens jurídicos”. Mesmo hanesan tuir konstitusionalista Jorge Reis Novais, hateten katak “Se estivesse em causa apenas a saúde das pessoas [que não querem tomar a vacina], era com elas. Cada um decide a sua vida, o Estado não tem de se meter”, O problema, como refere,  “é que se a pessoa não se vacinar e contrair o vírus, infeta outras pessoas e põe em causa a vida de outros cidadãos”. A partir daí, “já não é só com ela, é com toda a sociedade”. Ho método micro comparação, iha kontesto pandemia iha ita nia kazu konkorda liu ho Jorge Novais do que Andre Dias Pereira tamba diretor ne’e nia ideas relevante liu ho kazu sira hanesan vasinasaun ba bebe sira nebe foin moris iha Timor-Leste. Tamba método fakultativu vasinasaun ba bebe wainhira ema lakohi lori nia bebe ba vasina, la afeta ba saúde publika, maibe iha kazu Covid-19 wainhira ema lakohi vasina saúde publika iha ameasa nafatin. Nune’e André Dias Pereira, fo hanoin kataka vacina tem em vista proteger o próprio, mas, sobretudo, tem em vista proteger a sociedade”, ou seja, “há um benefício para os outros”.

Ho nune’e restrisaun ba direitu fundamentál hodi salva bem jurídica boot-liu hanesan saúde públika prevalese-liu. Hanoin ida ne’e refleta hela iha ita nia konstituisaun artigo 24.° nebe konjuga ho artigo 57.°. Iha kontestu ida ne’e ita mos bele refere ba konstitusionalista Tiago Serrão, nebe hateten katak “há um dever de proteção da saúde pública por parte do Estado”, e, no caso concreto da Covid-19, “o vírus está cá e é uma ameaça real”. “A saúde pública prevalece em termos constitucionais”,..”. Ho nune’e vasina obrigatório tuir direito konstitusional timorense la iha violasaun ba direitu fundamentál tamba iha kazu ne’e Estadu halo deit suspensaun ba direitu fundamentál nune’e bele salva saúde públika no interese Estadu seluk ne’ebé aas-liu.

Iha sorin seluk, refere mos ba konstitusionalista Reis Novais nebe “reconhece que a vacinação obrigatória é, de facto, “uma restrição à liberdade da pessoa e por isso só numa situação muito excecional é que pode ser imposta”. Mas não duvida que “para proteger a vida e a saúde das pessoas, poderia ser um caso em que se justificaria”.  Ho hanoin ida ne’e wainhira ita halo dialogo ho dados transmisaun covid-19 iha Timor-Leste no dados husi efikasia vasina sira nebe iha maka estado bele deside hodi aplika vasina obrigatoriu ba sidadaun hotu ne’ebé tuir regra vasina, tenke simu. Opsaun ida-ne’e mós bele sai opsaun ba kombate  dezinformasaun no apaziguar fobia irasionais ne’ebé sai hanesan dezafiu boot ba programa vasinasaun Covid-19.  Em fim ho opsaun ne’e bele hakotu tranzmisaun Covid-19 no salva vida populasaun nian no saúde públika en jeral.

Mezmu, konstituisaun garante katak bele halo restrisaun maibe atu admite hanoin ida-ne’e tenke haktuir previsaun iha artigo 24.° nebe konjuga ho artigo 57.° no alínea e) numero 2 artigo 95.° CRDTL. Portanto, ho preseito hirak ne’e liu-husi lei ne’ebé Parlamento halo hodi halo restrisaun ba direitu, liberdade  e garantia; tamba kestaun ida-ne’e kompeténsia eskluziva PN. Nune’e konklui katak vasina obrigatoriu konstitusionalmente priense requisito ba estado hodi salva saúde publika hanesan bens jurídica nebe ho valor konstitusionalmente a’as liu bem jurídica sira seluk.

*(Zenilton Zeneves Licenciado em Direito Geral UNTL)

Print Friendly, PDF & Email

LEAVE A REPLY

Please enter your comment!
Please enter your name here