Home Notisia AJTL nia Papel Kontrola Sosial, Tenke Sai Poder Ba Publiku no Poder...

AJTL nia Papel Kontrola Sosial, Tenke Sai Poder Ba Publiku no Poder Ba Liberdade

420
0
Fundador AJTL, Virgilio Guterres. [Foto: Santina Lucia da Costa | 23.12.2020]

Reportazen Marcio Morato Pinto

“Ita tenke hahu ona, tamba AJTL nia papel kontrola social, ninia kroat hahu mosu ona, no ninia kroat ne’e hahu sai ameasa ba poder seluk, poder politiku, poder ekonomiku, entaun iha ne’e maka sai dezafios mai ita, kuandu ita laiha forsa, laiha unidade, fasil atu hetan intervensaun ba buat ne’ebe AJTL moris atu kombate”. Fundador AJTL

Asosiasaun Jornalista Timor Lorosa’e (AJTL) tama ona idade 21, AJTL ne’ebe harii iha loron 22 Dezembro 1999 iha hotel Turismo, sai istoria ne’ebe importante tebes, tanba AJTL Moris ho objetivu luta ba Liberdade imprensa no espresaun.

Liu hosi loron moris AJTL nian ba dala 21 ne’ebe realiza iha salaun Centro Nasional Chega! (CNC), Fundador AJTL, Virgilio Guterres hateten jurnalismu iha sekulu 21 ne’e nudar jurnalismu multi prespektivu no asuntu sosial barak maka presiza ita hatene.

“AJTL halo tinan ba dala 21, idade ema nian karik nia tama iha gerasaun milenial, gerasaun facebook, email, android. Ita halo observasaun sira ne’e, ita sente kontente labarik sira bele hadiak. Passadu ne’ebe ita liu ona, susesu ne’ebe ita liu ona, dezafiu balu ita liu ona, maibe labele haluha katak ita mai iha ne’e sei limitadu nafatin, tanba ne’e ita presiza hamutuk atu hasoru dezafiu tragedia sira, kontente mai ita hamutuk, terus mai ita sofre hamutuk, tan ksolok lolos ne’e hatudu bainhira ita iha forsa, atu hasoru situasaun sira ne’ebe iha” hateten Virgilio Guterres, 22/12.

Nia hatutan solidariedade entre jornalista sira nian ne’e importante tebes, hanesan AJTL, Timor-Leste Press Union (TLPU) no organizasaun sira seluk no radio komunidade sira. Bainhira ita hamutuk no forte, hatudu unidade bele tanes valores sosiedade nian no kombate hasoru interesse pessoal no partidaria.

Virgilio dehan AJTL nudar organizasaun dahuluk ne’ebe mosu depois de referendu, laos depois de Restaurasaun. Iha 22 Dezembro 1999 nia moris tiha ona, Konstituisaun mos seidauk iha, Assembleia Konstituiente mos seidauk iha, AJTL hamosu ona ninia kodigu etiku rasik ho prinsipiu importante rua, defende Liberdade Imprensa no Espresaun, kombate ka kontra intervensaun politika no ekonomika iha sala redasaun editorial.

“Ita tenke hahu ona, tamba AJTL nia papel kontrola social, ninia kroat hahu mosu ona, no ninia kroat ne’e hahu sai ameasa ba poder seluk, poder politiku, poder ekonomiku, entaun iha ne’e maka sai dezafios mai ita, kuandu ita laiha forsa, laiha unidade, fasil atu hetan intervensaun ba buat ne’ebe AJTL moris atu kombate, tamba esforsu ita nian atu manten editorial labele sai poder ba poder seluk, nia tenke sai poder ba publiku, poder ba liberdade, ida ne’e maka ita presisa manten”, Virgilio haktuir.

Fundador AJTL husik hela mensagem ba estrutura foun sira, atu kontinua hasae kapasidade membru hotu nian liu hosi formasaun sira, hodi lao tuir kodigu etiku jornalista nian. Sai responsavel klásika sosial jurnalismu nian kata,k sai lian ba ema lian laek sira, bazea ba faktus ne’ebe iha, hamrik atu ajuda hodi kore an hosi mentalidade ne’ebe inferior no labele tarde hatoo notisia ba publiku.

Print Friendly, PDF & Email

LEAVE A REPLY

Please enter your comment!
Please enter your name here