Home Notisia La Satisfás ho Liafuan Disputa Rai Iha Naktuka, Rafael: Ami Hasoru Malu...

La Satisfás ho Liafuan Disputa Rai Iha Naktuka, Rafael: Ami Hasoru Malu iha Fronteira Look Bua ba Malu

4421
0
Rafael Abi komunidade suku Beneufe. [Foto: Neon Metin | 03.02.2024]

Reportajen ekipa Neon Metin

Komunidade Suku Beneufe la satisfaz ho deklarasaun governu katak rai naktuka rai disputa, tanba komunidade Naktuka-Oecusse no Oepoli-Kupang iha ligasaun kultura ne’ebé diak tebes no mós ho fiar tradisaun ne’ebé rigorozu tebes, hodi hamtauk sira atu kria problema iha fronteira naktuka, tanba komunidade sira iha husi rai rua ne’ebé tulun no ajuda malu iha lina fronteira hanesan família tuir lisan bei’ala nian, nune mós iha konstrusaun balun ne’ebé sira halo iha Naktuka mós laiha impedimentu husi komunidade Oepoli-Indonesia.

Rafael Abi komunidade suku Beneufe haktuir, liga ho ritual relijioza nian iha rai Naktuka sira iha uma igreja nian mak santu Reliki maluk sira mai husi rai bo’ot bele la hatene tanba uniku iha mundu ba sira, nune’e sira nia maluk sira iha Oepoli mós laiha intensaun atu book malu hodi kria problema ba malu, tanba sira iha kultura no tradisaun ne’ebé hanesan nune’e sira bele hasoru malu iha fronteira, tanba aman iha Oepoli no oan iha Beneufe ho mós oan iha Beneufe no aman iha Oepoli, dala barak sira hasoru malu iha fronteira hodi look bua ba malu inklui iha kultura ne’ebé lori manu ba malu ho nonook de’it.

“Ami la satisfás ho governu Timor-Leste tau fila-fali naran disputa ba area Naktuka,  disputa dezde tempu Indonesia Timor-Timur nian, iha tempu ukun an fo sarani fali rai pedasuk ida ho disputa, ami la konkorda no la fo no husu deit ekipa nee mai para ami hatene estaka nee konaba saida”, dehan Rafael ba jornalista sira iha nia hela fatin Citrana, (31/01).

Nia dehan tan, estaka ne’ebé sira tau kedas iha natar laran, rai Naktuka rai bokur iha kada tinan sira halo natar hare sira la ense iha karon maibe lori kareta hodi suru hanesan rai-henek iha mota laran, tanba ne’e sira konsidera rai Naktuka rai ne’ebé potensiál ba sira nia moris lorloron.

Tomas Nekap estensionista agrikultor suku Bene Ufe haktuir, iha tinan hirak liu ba iha sidadaun ida ne’ebé mate iha fronteira maibe ate ohin loron seidauk hatene loloos se mak oho nia no sira mós halo konstrusaun ba irigasaun maibe husi parte Oepoli Indonesia la iha provokasaun iha manutensaun no rehabilitasaun ba irigasaun maibe laiha provokasaun husi maluk nasaun vizinu sira.

“halo tan sentru agrikultura iha Naktuka senor jose da costa mak manan maibe laiha provokasaun, iha deit mak konstrusaun balun ne’ebé sira konsege provoka no konsege hapara” dehan Tomas iha Citrana, (01/02).

Print Friendly, PDF & Email

LEAVE A REPLY

Please enter your comment!
Please enter your name here