Home Notisia Servisu Saude RAEOA Halao Monitorizasaun Ba Sistema Servisu Saude Integradu

Servisu Saude RAEOA Halao Monitorizasaun Ba Sistema Servisu Saude Integradu

177
0
Monitorizasaun Servisu Saude iha RAEOA (Foto: Servisu Saude RAEOA)

Hodi mellora no hadia jestaun atendimentu ho nia prontidaun tomak ba servisu husi setor  saúde ho várius estratéjiku iha RAEOA,  Ekipa konjunta Servisu Saude RAEOA  iha loron 11 Fevereiru 2020,   halao supervizaun no monitorizasaun ba Postu Saude Oelkaem no Roti.

Vizita traballu ne’e halao hodi  verifika  sistema servisu saude integradu,  disponibilidade  profisionais  saúde,  funsionamentu ekipamentus médikus inklui  disponibilidade aimoruk ba populasaun sira ne’ebe halo tratamentu iha Postu Saude area refere.

Durante  vizita  traballu, Ekipa konjunta Servisu Saude RAEOA halao mos diskusaun ho  pesoal médiku konaba  várius programa saude nian hanesan prevensaun moras  transmissíveis, saúde materna-infantil, esforsu hodi  mellora  nutrisaun no  saúde ambiental. Ekipa konjunta Servisu Saude RAEOA rekunese katak fornesimentu bee ba postu saude sira sai mos kauza ne’ebe presiza hetan atensaun iha tempu oin mai.

“Vizita ne’e nu’udar  monitorizasaun  trimestral  hodi rona sira nia preokupasaun, dezafius no problemas nebe sira hasoru iha sira nia servisu fatin”  deklara Adjuntu Diretur Servisu Saude Rejional RAEOA, Facundo Lafo ne’ebe hetan akompanamentu husi  Asesor Sekretariu Rejional Assuntu Saude e Promosaun Investimentu, Francelino Freitas.

Rezultadu husi vizita traballu  Ekipa konjunta Servisu Saude RAEOA   propoin attu   monitorizasaun  presiza halao ho máximu, hodi nune’e prestasaun ba atendimentu  servisu  setor  saúde bele  ezekuta ho  maneira ideal liuhusi mekanismu kontrolu ne’ebe efetivus.

Antes ne’e, Diretur Saude RAEOA Marcos Seo hamutuk ho Ekipa konjunta Servisu Saude RAEOA   halao mos  supervizaun direta iha terenu hamutuk ho SAMES no Diresaun Nasional Kontrolu Doensas hodi distribui ekipamentus medikus protesaun virus CORONA ba Postu Integradu iha RAEOA  liu liu ba Postu entrada sira hanesan Sakato,Oesilo inklui postu hirak ne’ebe iha prezensa Unidade Polisia Fronteira (UPF) ne’ebe kolokadu iha Lakufoan, Kiubiselo, Haumeni Ana, Bijae Sunan, Noa Ana no Citrana.

 

LEAVE A REPLY

Please enter your comment!
Please enter your name here