Home Notisia FRETILIN Sedauk Iha Orientasaun Forma Governu Foun, Aniceto: Deklarasaun Ba Lusa Nudar...

FRETILIN Sedauk Iha Orientasaun Forma Governu Foun, Aniceto: Deklarasaun Ba Lusa Nudar Statementu Pesoal

2711
0
Deputadu FRETILIN, Aniceto Guterres. [Foto: Copyright google | 11.02.2020]

Reportazen Zevonia Vieira 

Impase politika ne’ebe lao hela iha laran, no Prezidente da Republika kontinua halo dialogu partidu politiku lider istoriku sira no entidade sira seluk, hamosu diskusaun barak iha publiku, saida mak los sei akontese, karik iha eleisaun antesipada ou forma governu ka koligasaun foun?

Relasiona ho deklarasaun ne’ebe media internasional Lusa fo sai katak partidu FRETILIn aseita atu partisipa iha novo governu no FRETILIN mak sei lidera governu foun refere.

Via telephone jornalista Neon Metin halo entrevista hodi konfirma katak FRETILIN aseita hodi harii governu foun? Ba Neon Metin Deputadu FRETILIN, Aniceto Guterres afirma katak statementu ne’ebe mak hato’o ba media Lusa ne’e statement pesoal, laos reprezenta partidu FRETILIN.

“Ne’e hau nia deklarasaun pesoal, tanba partidu FRETILIN sedauk iha orientasaun, katak iha nivel partidu mos sedauk iha diskusaun, sei partisipa ka lae, sekarik partisipa ho modalidade saida, ida hau koalia ba Lusa ne’e opiniaun pesoal, no la reprezenta pozisaun partidu nian”, deklara Aniceto ba Neon Metin via telephone 11/02.

Aniceto hatutan FRETILIN sedauk iha pozisaun ruma atu partisipa ou la partisipa iha formasaun ruma, sekarik partisipa mos ho modalidade saida. Sekarik ba partisipa, entaun partisipa ho partidu ne’ebe, ida ne’e sei nakloke hotu.

“Hau nia opiniaun pesoal atu hateten katak AMP uluk avansa ho lista ida deit, se ida ne’e monu, Prezidente da Republika bele konvida segundu mais votadu tuir lista eleisaun nian, se governu ne’e monu ona, lolos FRETILIN mak iha prioridade, ida ne’e mak hau koalia hanesan opiniaun pesoal, katak tuir Konstituisaun ne’e lolos FRETILIN ba forma governu, sekarik FRETILIN forma governu, klaru FRETILIN mak lidera governu”, deklara Aniceto.

Karik iha ona kontaktu ruma hodi halo dialogu ho PLP ka CNRT depois de Prezidente da Republika hasoru ho lider istoriku sira?

Ba Neon Metin deputadu FRETILIN ne’e hateten kontaktu pesoal entre partidu ne’e lao hela no ohin bele intensifika liutan, maibe iha nivel partidu nian sedauk iha kontaktu ka hasoru malu.

 

 

 

 

LEAVE A REPLY

Please enter your comment!
Please enter your name here