Home Notisia AHDMTL: MS Hamosu Diskriminasaun Ba Ema Ho Defisiénsia Ne’ebe Afeta COVID

AHDMTL: MS Hamosu Diskriminasaun Ba Ema Ho Defisiénsia Ne’ebe Afeta COVID

247
0
Asosiasaun Halibur Defisiénsia Matan Timor-Leste. [Foto: Copyright AHDMTL | 21.07.2021]

Reportajen Francisco JDA

Ohin Asosiasaun Halibur Defisiénsia Matan Timor Leste (AHDMTL) hasoru malu ho Prezidente Parlamentu Nasionál (PPN), Aniceto Guterres hodi hato’o preokupasaun kona ba entendimentu Ministeriu Saúde (MS)  ba ema ho defisiénsia, iha situasaun pandemia COVID-19, tanba AHDMTL konsidera katak MS hamosu diskriminasaun ba ema ho defisiénsia bainhira afeta pozitivu COVID-19

Tuir Diretór Ezekutivu AHDMTL, Gaspar Afonso ba jornalista sira hateten, se moras pandemia COVID -19 ne’e da’et lalais entaun husu atu entendimentu mós ho rápidu, labele halo diskriminasaun, tan ne’e mak  mai fó hanoin ba Prezidente Parlamentu atu rekomenda ba Ministeriu Saude no Primeiru Ministru

“Ami nia ema afeta COVID-19, liu hosi teste restrio  hetan rezultadu pozitivu maibé la fo antendimentu Igualdade, ami sente iha diskriminasaun tanba se moras ne’e risku duni no la atende, nia bele daet ba ema seluk, familia no viziñu sira,” hateten Gaspar Afonso iha Parlamentu Nasionál, 21/07

Gaspar relasa tan defisiénsia matan iha Timor laran tomak hamutuk 14.828 mil, ne’e signifika katak ema la’ós oituan entaun ema ho defisiénsia mak vulneravel liu iha situasaun COVID-19 ne’e, no situasaun diskriminativu ne’e hasoru membru AHDMTL iha Manleuana, ”iha Dili de’it mós saúde sira halo tiha ona hanesan ne’e, oinsá ho ema ho defisiénsia  sira iha area rural ne’ebá”.

“Akontese ne’e iha Manleuana, ba ami nia membru AHDMTL sira ami la mai ko’alia arbiru, la mai hato’o preokupasaun arbiru, tanba ami hasoru ne’e mak ami ko’alia.  Se sira iha Dili de’it mós saúde halo hanesan ne’e, sa tan ema ho defisiénsia iha area rural, ne’e ema la prekupa no la fó atensaun liu” hateten Diretór Ezekutivu AHDMTL Gaspar Afonso

AHDMTL husu ba Prezidente Parlamentu no deputadu sira, atu hare kestaun ida ne’e no Prezidente Parlamentu sei informa ba Ministériu Saúde no Primeiru Ministru bainhira iha reuniaun Konsellu Ministru ba asuntu ne’e.

Print Friendly, PDF & Email

LEAVE A REPLY

Please enter your comment!
Please enter your name here