Home Notisia Jornalista Hakerek Notisia Konaba Povu nia Moris, Hugo: Ita Halo Protesaun Ba...

Jornalista Hakerek Notisia Konaba Povu nia Moris, Hugo: Ita Halo Protesaun Ba Ema nia Direitu

505
0
Fundador AJTL, Hugo Fernandes. [Foto: Santina Lucia da Costa | 23.12.2020]

Reportazen Adroaldo ‘Saretukau’

“Nu’udar jornalista, wainhira ita halo notísia ruma konabá eskola la di’ak, estudante sira la iha Mestre, bee la iha, merkadu la iha, postu saúde la iha kondisaun no médiku sira menus, ne’e ita halo hela defeza ida ba saída mak ita bolu direitus umanus, ita halo hela protesaun ida ba ema nia direitu, katak ema ne’e moris mai iha direitu ba saúde di’ak, iha direitu ba moris di’ak, iha direitu ba asesu edukasaun, ema iha direitu ba servisu”. Hugo Fernandes

Asosiasaun Jornalista Timor-Leste (AJTL) selebra nia loron moris  ba dala-21 ba nia ezisténsia, liu hosi loron moris refere, AJTL organiza seminariu Nasional ho tema “Jornalismo Entre Dezafios e Oportunidade”.

Liu hosi seminariu refere fundador AJTL, Hugo Fernandes ne’ebe foka konaba jornalista do Defesa dos Direitos Humanos, nia hateten knaar jornalista nian iha defeza ba direitus umanus, bainhira refleta ba Timor nia istoria, knaar jornaslita nian ho meius komunikasaun sosial ne’e importante desde inísiu kedas. Ida ne’e nia baze boot liu mak direitus umanus universal artigu 19, ne’ebé ko’alia konabá liberdade de espresaun, ida ne’e nia mata dalan ka lala’ok ida mak espresa hanoin liu hosi meius komunikasaun sira. Meius komunikasaun sira, hato’o ema nia liberdade de espresaun ne’e liu hosi jornalista sira, ita haree nia estrutura ida ka’it ba ida.

Nia hatutan ko’alia konabá knaar jornalista nian iha defeza ba direitus umanus, ita ko’alia konabá konseitu boot sira hanensa deklarasaun Universal Direitus Umanus. Konstituisaun garante ida ne’e katak primeiru ema ne’e tenki protejidu, liu-liu liberdade de espresaun no liberdade de imprensa.

Nia hateten iha Kode Étika jornalista Timor nian, iha buat rua ne’ebé esensial liu mak atu garante informasaun los ba lee na’in sira, “ida proteje públiku nia direitu atu hetan informasaun lolos ho didi’ak ho maneira sira ne’ebé étika, ida segundu atu projete jornalista sira wanhira hala’o sira nia knaar”.

Antigu jornalista iha majalah Talitakum ne’e hateten bainhira haree hosi padraun sira ne’e, knaar komuniakasaun sosial no jornalista hosi leten to’o mai, nia iha defeza boot ba direitu ema nian. Iha implementasaun tenki introdus ba ita nia an saída mak direitu umanus, se ita haree iha direitu ba edukasaun, saúde no bee moos, hirak ne’e hotu konseitu direitus uma umanu ne’ebé tama iha prátika lor-loron.

“Nu’udar jornalista, wainhira ita halo notísia ruma konabá eskola la di’ak, estudante sira la iha Mestre, bee la iha, merkadu la iha, postu saúde la iha kondisaun no médiku sira menus, ne’e ita halo hela defeza ida ba saída mak ita bolu direitus umanus, ita halo hela protesaun ida ba ema nia direitu, katak ema ne’e moris mai iha direitu ba saúde di’ak, iha direitu ba moris di’ak, iha direitu ba asesu edukasaun, ema iha direitu ba servisu,” hateten Hugo.

Nia hatutan wainhira ita interpreta ida ne’e iha ita nia knaar nu’udar jornalista, oinsá mak kada notísia ne’ebé ita produs, ne’e ita halo hela defeza ba ema nia direitu. Nia dehan wainhira jornalista ida foti asuntu sosial ruma ba nia obra, tenki haree di-diak konabá polítika ka baze ba asuntu refere tuir duni saída mak lei haruka ou lae.

“Kada notísia saída de’it en relasaun konabá justisa, saúde, edukasaun, kampu de traballu, moris di’ak, ekonomia, ita hotu hanesan jornalista ita halo hela knaar ida ne’e, ita prátika hela. Ita jornalista ho meius komunikasaun, ita halo nakonu ema nia direitu umanu, tanba ita nia konstituisaun no lei sira garanatia,” Hugo aumenta tan.

Maibé nia dehan depende fali ba kada jornalista, atu oinsá atu introduz konseitu ne’e sai mos hanesan ema nia preokupasaun katak bee mos ne’e la’os tanba bee moos de’it, maibé tanba ne’e direitu ema nian. Buat ida asesu eskola públiku sira gratuita ne’e hakerek iha lei, oinsá mak governu proteje ida ne’e.

Nia hatete tanba ne’e mak ita konsidera nu’udar país demokrátiku ne’e, maneira ida importante tebes ba sobu opiniaun públiku, harii opiniaun públiku mak meius de komunikasaun sosial. Meius komunikasaun sosial la iha wainhira jornalista la iha.

Iha fatin hanensan Prezidente konsellu Imprensa (KI), nu’udar mos Primeiru Prezidente AJTL iha aniversáriu ne’e hateten, jornalista tenki iha abilidade atu produs notísia ne’ebé muda públiku nia hanoin ba mudansa. “Ita nia servisu Jornalizmu mak ida ne’e, ita halo linguajen iha poder atu influénsia ema,” hateten Vírgílio.

Nia dehan tanba hala’o aktividade jornalizmu, ita tenki hatene prinsípiu jornalizmu ne’e saída, nia responsabilidade sosial ne’e saída, atu nune’e ita bele tulun públiku nia hanoin.

“Responsabilidade klásika sosial jornalizmu ne’e mak atu sai lian ba ema lian laek, ita tenki berpihak pada yang lemah, kepada yang jadi korban, maibé ita mos labele asal berpihak, meskipun dia kecil, dia korban tapi kalo dia salah kita jangan berpihak pada fakta,” hateten Prezidente KI Virgílio.

Nia hatutan ita nia jornalizmu sékulu 21 ne’e multi perspektiva konabá jéneru, ambiente, LGBTI, labarik ho difisiénsia, difisiénsia no asuntu sosial seluk ne’ebé tenki iha prespektiva ba hirak ne’e.

Print Friendly, PDF & Email

LEAVE A REPLY

Please enter your comment!
Please enter your name here