Home Notisia PR Apoiu Material Konstrusaun Ba Família Afetadu Husi Inséndiu na’in 219

PR Apoiu Material Konstrusaun Ba Família Afetadu Husi Inséndiu na’in 219

190
0
Xefe Casa Sivil Prezidensia Republika, entrega materia ba komunidade afetadu. [Foto: David | 18.10.2021]

Reportajen David da Costa Gusmao

Relasiona ho akontese inséndiu ka ahi han komunidade nia uma iha kinta (29/07) madrugada iha eis merkadu Komoro, aldeia 03, suku Fatuhada, postu administrativu Don Aleixo, munisipiu Dili, ohin Prezidente Republika apoiu ona materiál konstrusaun simente, besi, baut, kalen no ropa ba vitima Inséndiu hamutuk na’in 219 Iha eis Merkadu Comoro.

Xefe Casa Sivíl Prezidente Republika, Francisco Vasconcelos hatete Prezidente Repúblika mós halo koordenasaun ho governu, buka dalan oinsá bele fó tulun balun, tanba responsavel tomak ne’e iha governu,  maibé Prezidente hanesan aman ba povu tomak, Prezidente buka meius oinsá mak bele tulun nia povu sira, la’os barak maibé uitoan.

“Prezidente hanoin tebes oinsa mak atu ajuda itaboot sira, nia hanoin oinsa mak atu tulun ita-boot sira. Uituan ita bele tau hamutuk hodi  kompleta malu, atu hadi’a no restaura fali ita nia situasaun,” dehan Casa Sivíl iha Eis Merkadu Comoro, Segunda (18/10).

Iha fatin hanesan reprezentante vitima insendiu, Gaspar Guterres hateten nu’udar komunidade ne’ebé hetan afetadu ba inséndiu  sente kontente, tanba bele hetan apoiu material balun husi na’in ulun sira hodi bele halo rekuperasaun fali ba uma sira ne’ebé ahi han.

“Agradese ba ita nia na’in ulun sira tanba ami hetan insendiu ida ne’e, ita nia na’in ulun la taka matan ba ami, signifika katak  terus ne’ebéè ami hetan ne’e sira mos sente, ne’ebé ohin loron sira lori ona sasán sira ne’e mai, maski ho kuantidade ne’ebéé ki’ik, maibé ami nafatin kontente  tanba apoiu ona ami,” nia haktuir.

Entertantu materiál konstrusaun ne’ebé mak ohin apoiu mak hanesan, simente hamutuk 657, Besi kotak 20×30 438, Besi kotak 20×40 657, Besi kotak 30×30 657, Baut kalen 438 no inklui ropa hamutuk 219 sakolas no sasan hirak ne’e totál 3,066.

Print Friendly, PDF & Email

LEAVE A REPLY

Please enter your comment!
Please enter your name here