Home Saude Unicef Apoiu Frigorífiku Ultra-Malirin 4 Ba MS Hodi Armazena Vasina Pfizer

Unicef Apoiu Frigorífiku Ultra-Malirin 4 Ba MS Hodi Armazena Vasina Pfizer

149
0
Frigorífiku Ultra-Malirin. [Foto: David | 18.10.2021]

Reportajen David da Costa Gusmao

Fundus Nasoins Unidas ba Labarik (UNICEF_ sigla Inglés), apoiu tan jeleira frigorífiku ultra-malirin haat ba Ministériu Saúde (MS) atu armazena vasina Pfizer Biotech Covid-19 nian, tanba vasina Pfizer Biotech ne’e presiza armazenamentu ho temperatura ultra-malirin, antinji grau selsiu negative 86.

Reprezentativu UNICEF Timor-Leste, Bilal Durrani hatete armazena no transporta vasina sira ho temperatura loloos mak fundamentál atu salva labarik no adultu sira, husi moras potensiálmente fatál. UNICEF orgullu hodi apoia Timor-Leste tinan hirak ne’e, liu husi instalasaun sistema korrente-malirin iha país ne’e ba imunizasaun rotina no mós ba vasinasaun Covid-19, no vasina Pfizer BioNTech ne’e presiza tau armazenamentu ho temperatura ultra- malirin, atinje grau selsiu negative 86.

“Ita eleva ona kapasidade korrente-malirin iha país ne’e ba nivel aas ho instalasaun sistema korrente ultra-malirin ba primeira vez. Hahú husi Servisu Autónomu Mediakalmentu e ekipamentu Saúde, Impresa Publiku (SAMES, I.P), ita sei habelar gradualmente sistema korrente-malirin ba parte sira seluk iha país nee,” dehan Reprezentativu UNICEF Timor-Lestenl, Bilal Durrani, iha SAMES, I.P, Kampu Alor, Segunda 18/10.

UNICEF mós sei hola tan frigorífiku temperatura ultra-malirin adisional 16 ba MS, ho fundus husi Governu Australia. Frigorífiku sira ne’e sei instala iha armazein rejionál sira, atu permite governu armazena vasina sira mak presiza temperatura ultra-malirin besik ba ospitál rejionál sira no sentru saúde munisipál sira, no redús tempu no kustu transportasaun vasina sira husi Dili ba sentru saúde sira.

Iha fatin hanesan, Ministra Saúde (MS) Odete Maria Freitas Belo, afirma, UNICEF apoia ona Ms ho SAMES,I.P ba nia instalasaun, manutensaun no atualiza sistema armazenamentu korenti malirin no sistema distribuisaun tinan barak ona, ne’ebé ajuda MS armazena no distribui vasina Covid-19 rutina la ho interrupsaun.

“Frigorífiku sira sei ajuda ita armazena ho seguru vasina Pfizer BioNTch sira ho temperatura loloos, no permite ita atu implementa kampaña vasinasaun ba labarik sira tinan 12 to’o 18 mai kraik,” Nia dehan.

Ne’e primeira vez Timor-Leste iha kapasidade hodi armazena vasina ho temperatura ultra-malirin. Hahú to’o mai kedas iha país iha loron 22 fulan Setembru, UNICEF servisu hamutuk ho MS, SAMES,I.P no fabrika atu garante katak país ne’e prontu hodi simu vasina Pfizer BionTech.

UNICEF mós apoia ona SAMES hodi instala no monitoriza nia temperatura loron ida dala-tolu hodi haree nia funsionamentu, no apoia formasaun SAMES nia tékniku sira, tékniku Ekipamentu Biomedical sira, no staff ba operasaun, monitoriza no manutensaun sistema. 

Print Friendly, PDF & Email

LEAVE A REPLY

Please enter your comment!
Please enter your name here