Home Saude EUA Apoiu Vasina Pfizer Dozes 100.620 Atu Proteje Labarik Idade 12-18 Husi...

EUA Apoiu Vasina Pfizer Dozes 100.620 Atu Proteje Labarik Idade 12-18 Husi Covid-19

183
0
EUA entrega simbolikamente vasina Pfizer ba MS. [Foto: David | 18.10.2021]

Reportajen David da Costa Gusmao

Governu Estadus Unidus Amérika (EUA) iha Timor-Leste, liu husi Fundus Nasoins Unidas ba Labarik (UNICEF_ sigla Inglés) kontribui tan ona vasina Pfizer dozes 100.620 ba governu Timor-Leste,  atu proteje labarik sira ho idade 12 to’o 18 sira nia moris husi Covid-19.

“doze vasina Pfizer nian ne’ebé seguru no efikás hamutuk dozes 100.620, kontribuisaun ida husi Estadu Unidu ba povu Timor-Leste”, dehan Enkarregadu Estadus Unidus iha Timor-Leste, Tom Daley iha SAMES Kampung Alor, segunda 18/10.

Nia haktuir kontribuisaun iha loron ida ne’e sai hanesan primeiru oportunidade ba labarik sira ho tinan 12-18 atu hetan vasinasaun ho seguru, efikás hasoru Covid-19 no sei próteze labarik besik rihun 48.000 iha Timor-Leste hodi hasoru efetivu aat sira liuhusi Covid-19.

“Vacina hirak ne’e sei salva ema barak nia moris no entrega vasina ida ne’e hein katak ho vasina ida ne’e, sei lori normalidade ba ema timoroan sira hotu”, hakotu nia.

Reprezentativu UNICEF Timor-Leste,  Bilal Durrani, agradese ba governu EUA ba sira nia solidaridade boot hodi halo doasaun vasina Pfizer, no kolaborasaun besik iha fulan no semana hirak ikus ne’e hodi lori vasina sira mai iha rai ida ne’e, no garante katak Timor-Leste prontu atu simu vasina sira ne’e.

Iha fatin hanesan Ministra Saúde (MS), Odete Maria Freitas Belo hatete doasaun husi  governu Estadu Unidu Amérika ne’e fundamentál tebes ba governu Timor nia esforsu, hodi vasina labarik sira tinan 12 no 18 mai kraik hodi proteje sira husi impaktu Covid-19.

“Ne’e aumenta governu Timor-Leste nia esforsu atu garante ema barak iha país ne’e simu vasina kontra Covid-19, no redús impaktu ba ema moras no ita-nia sistema saúde”, hatutan Minidtrs Odete.

Entertantu loron ba lansamentu vasina Pfizer, daudaun ne’e Ministériu Saúde sei hanoin hela entre  loron 25 ho 26 Outubru no sei la fó hotu ba eskola sira, maibé sei identifika eskola sira ne’ebé mak idade 12-17 barak liu iha Dili laranno oportunidade ba iha munisípiu Liquica.

Print Friendly, PDF & Email

LEAVE A REPLY

Please enter your comment!
Please enter your name here